Выльторъяс

[ A+ ] /[ A- ]


Ошкöс бырöдасны
Пожöг вожын ошъяслöн вывтiасьöм кузя районса администрацияöн веськöдлысь С.В.Рубан шыöдчис республикаса вöр-валысь озырлунъяс да гöгöртас видзан министерствоö.
Министр Р.В.Полшведкинсянь воис шуöм, код серти ошъяслысь лыд чинтöм могысь июль 10-öд лунсянь июль 31-öд лун босьтöмöн тшöктiс бырöдны тайö пемöсöс, сылысь арлыд тöдвылö босьттöг, мед ошъяс эз вайны лёк сикт-грездса олысьяслы, налöн дзоньвидзалунлы. Районса администрация аддзис нин мортöс, кодi босьтчас тайö уджö.

Медбуръяс лыдын
«Сиктса медбур школа» республикаса конкурслы вöчисны кывкöртöдъяс.
Пырöдчис 15 муниципалитетысь 21 велöданiн. Конкурс мунiс апрель 18-öд лунсянь июнь 27-öд лунöдз. Жюри донъялiс, эм-ö школаын став коланаыс туйдöм-велöдöм могысь, кыдзи видзöны челядьлысь дзоньвидзалун, аддзöны да сöвмöдöны енбиа нывкаясöс да зонкаясöс, кыдзи кыпöдöны тöдöмлунъяс асьныс велöдчысьяс да нöшта уна мукöдтор.
2019-öд вося конкурсын вермис нёль школа. Сиктса медбур школалысь ним шедöдiс Сыктывдiн районса Выльгортысь öтиöд номера велöданiн, мöдöн лоисны Усинск районса Мутнöй Материкысь да Кулöмдiнысь шöр школаяс, коймöдöн — Кöрткерöс районса Шойнатыысь школа.
Вермысьясöс кыпыда нимöдасны август 28-öд лунö сиктса школалöн лунö Кулöмдiнын. Налы вичмасны сьöма сертификатъяс.

Падмöдö зэр
Кузя зэрöм ёна падмöдö кöрым заптысьясöс.
«Помöсдiн» кооператив видзьяс вылö петавлiс нин июль 8-öд лунö, вермис ытшкыны сöмын 36 гектар, вöчис 130 тонна сенаж.
Крестьянин овмöс кутысь С.А.Тимушев ытшкис 31 гектар, вöчис 25 тонна сенаж.
Мед эз таляссьы му, «Пожöг» кооператив кöрым заптыны эз на босьтчы. Пожöгдiнса скöт карта дорысь лöсьöдö важ силос гу.

Комментарии:

Добавить комментарий

Свежий выпуск: 28 марта

Осторожно — мошенники!