Талун кöсъя висьтавны Кулöмдін районса челядь йылысь, кодъяс велöдчöны Ю.А.Спиридонов нима Коми Республикаса юралысь бердын искусство гимназияын. Серпасасьысьяс да йöктысьяс, театр радейтысьяс да гуманитарийяс и, дерт жö, музыкальнöй инструмент вылын ворсысьяс. Ставыс найö бура велöдчöны да пырöны гимназияын Кулöмдiнса ас мувывсаяслöн котырö. Тайö Ариана Холопова, Алина да Диана Расоваяс, Екатерина Ладанова, Арина Логинова, Александра Корхова, София Слепнёва, Ульяна Булышева, Пётр Лодыгин, Иван Есев, Арсений Булышев.

Талунъя юöрыс 9 гуманитарнöй класса велöдчысь София Слепнёва да Ульяна Булышева йылысь. Нывкаяс локтісны кык во сайын Пузла да Смолянкаысь. Зэв сюсьöсь да вежöраöсь. Ми накöд казялім, мый посни челядьлы Выль во кежлö коми кыв вылын абу нин сэтшöм и уна кывбур. Чукöртчим накöд да сёрнитчим котыртны творческöй мастерскöй, кöні гуманитарийяс видласны асьнысö кывбур тэчысьяс уджсикасын. Ок и абу кокни вöлöма гижысьяслöн уджыс, но выль во кежлö кöсъям козьнавны посни челядьлы ичöтик кывбуръяс. Виччысьöй Кöдзыд Пöльтö, велöдöй кывбуръяс!

Кöдзыд Пöльлöн нопйыс ыджыд
Могыс тшöтш жö ыджыд зэв:
Разöдавны ставлы стöча
Мича ёлка, кöдзыд тöв.

Козинъяс да гöстинечьяс,
Теш-гаж-серам да бур шуд.
Виччысям ми Пöрысь Дедöс.
Гашкö, шудсö ваяс пуд.

Кутшöм мичаа вöччис
Вöрысь вайöм коз.
Гажлун вылö локтіс
Дедушка Мороз.

Сьöрсьыс сійö вайис
Ыджыд-ыджыд ноп.
Мудзöмысла нопсö
Джоджö чöвтіс шлоп!

Локтігмозыс вайис
Уна гöстинеч,
Кöдзыд Пöльыд миян
Кутшöм молодеч!
Жанна Сизева.
Снимокъяс гижысьлöн чукöртöмысь.