Волiс ош

[ A+ ] /[ A- ]


Выльлунö Помöсдiнö волiс ош. 
Йöзлöн висьталöм серти, локтiс сiйö Эжва сайса вöрсянь, вуджис юсö да сиктöд кытшлалöмöн да пакöститчытöг мунiс Сордйывса шойналань. Ошлöн сиктöд ветлöм кузя помöсдiнсаяс шыöдчылiсны МЧС-ö. Найö лэдзисны сэтчöс вöралысьяслы позянлун серти кыйны вöрса кöзяинöс. Н.А. да Д.Н.Шебыревъяс ая-пиа (бöръяыслöн эм ош кыйöм могысь лицензия) вöтчылiсны ош бöрся, кытшовтiсны матiгöгöрса инъяс, но эз аддзыны. Николай Афанасьевич висьталiс, мый пемöс корсьö нуръясянтор, некутшöм лёк сиктсаяслы оз вай. Öлöдiс дöзмöдöмысь, а то воддза воас, кор ош пыралiс Помöсдiнö, вöлöм, челядь вöтлысьöны сы бöрся. Ошкöд воча паныдасигöн оз ков пышйыны, а колö ньöжйöник бöрыньтчыны. Видзчысьны колö быть, сы вöсна мый ошсö кык пиянöн аддзывлöмаöсь вöвлöм аэропортбердса ыбвыв дорысь да Кырныша гöгöрысь.

Комментарии:

Добавить комментарий

Свежий выпуск: за 14 ноября