Водзмöстчысьлöн нырччöмöн

[ A+ ] /[ A- ]


Паспомын челядьлы ворсанiнкöд орччöн лоис и ёнмöдчанiн. Артмис вöчны сiйöс томъяслöн «Паспомчане» котырöн юрнуöдысь Ирина Дмитриевна Зезеговалöн водзмöстчöмöн.


2018-öд воын Ирина петкöдчис сиктса нырччысь том йöзлöн Россияса чукöртчылöмын. Висьталiс аслас удж да мöвпыштöмторъяс йылысь. Мöд вонас видз-му овмöс республикаса министерствосянь вöзйисны лöсьöдны бала да пырöдчыны налöн программаö, код серти водзмöстчысь йöзлы кöсйöмсö збыльмöдны вичмö грант. Но сьöмсö колö содтыны и овмöдчöминса администрациялы. Ирина Дмитриевна сёрнитiс Кулöмдiнса администрацияöн веськöдлысь Виктор Петрович Игнатовкöд, и сiйö мунiс воча. Томъяслöн юрнуöдысьöн дасьтöм ывла вылын ёнмöдчанiн вöчан бала донъялiсны министерствоын да вичмöдiсны сьöм. Овмöдчöминса администрация и сувтöдiс, отсасисны посёлокса том йöз.

  • Нимкодь и челядьлы, и томъяслы, верстьöлы и олöмаяслы. Татчö волöны быдтасъясыкöд бать-мам. Мед сöмын оз жуглыны, мед посёлоксаяс дыр вермасны песны танi вын. Локтан воын бара кöсъям пырöдчыны тайö программаас. Май 9-öд лун кежлö
  • мöвпалам посёлокын вежны война вылö ветлысьяслы казьтылан пас. Программаясö пырöдчöмöн бурмöдны олöм, вежны посёлоклысь чужöмбан позьö. Став олысь нимсянь аттьöала Виктор Петровичöс миян вöсна тöждысь, отсöгысь, öтув уджалöмысь, — пасйис Ирина Дмитриевна.

  • Марина Дадашова.
    Снимокъяс «Кулöмдiн» овмöдчöминса администрациялöн.

Комментарии:

Добавить комментарий

Свежий выпуск: за 15 октября