Тайö мортыслысь нимсö оз на быдöн и тöд оз сöмын Войвыв флотын, но и Коми республикаын, кöнi буретш чужлiс сійö. Гашкö, сiйöн, мый олiс сэнi регыд, матö дас öкмыс арöсöдз. Но Великöй Отечественнöй война воясö сы йылысь гижлiсны Войвыв флотса öтуловъяслöн газетъяс, да эз на öтчыдысь. А 1943–öд вося сентябрь 25–öд лунö «За победу» газет йöзöдіс Т.Бугаенколысь «Орден Славы» кывбур, сиис сійöс том воинлы. Тайö кывбурас эмöсь татшöм строкаяс:
Полярные ветры уснули,
Уснул над заливом туман.
Не спит на посту в карауле
Сын Коми Ладыгин Иван.
…1942–öд вося август 25–öд лунö Коми АССРысь Сыктывкарса военкомат чукöстiс сiйöс служба вылö. Вежон мысти дас кöкъямыс арöса комсомолеч Иван Григорьевич Лодыгин воис Войвыв флотлöн велöдан отрядö. Велöдчис регыдик. Лыйсьысьлысь специальносьт да краснофлотечлысь воинскöй чин босьтöм бöрын сійöс мöдöдісны служитны Войвыв флотлöн тылса управлениеö лыйсьысьяслöн
241–öд торъя взводö. Тайö подразделениеса воинъяс видзисны боеприпасъяс, ломтас-мавтас, обмундирование да сёян-юан складъяс. Войвыв флотын служитысьяслы тайö ставыс вöлi зэв колана…
…Вермас лоны, мый Коми Республикаын олöны на Иван Григорьевич Лодыгинлöн семьяысь рöдвужыс, кодъяс эськö вермисны юксьыны чужан му дорйысь тайö повтöм морт йывсьыс казьтылöмъясöн…
Водзö лыддьöй май 2-öд лунся газетысь.
Алевтина Кривенко, Россияысь культураса пыдди пуктана уджалысь.
Снимокыс Гатчина карса ЦВМА-лöн.