Коронавирускöд водзсасян районса штаб пекничаö чукöртчылiгöн дугöдiс Мысын карантин. Танi бöръя кадас висьысь лыд ёна эз сод. Гортын бурдöдчысьяслы индöма овны гортаныс висьöмысь дзикöдз мынтöдз. Сиктын уджалöны ас вöляысь отсасьысьяс. Выльлунсянь воссис начальнöй школа, заводитiсны новлöдлыны велöдчысьясöс Немдiнö.
Дистанционнöя велöдчöмö вуджöдöма Кулöмдiн да Кебанъёль школаясысь öти классöн.
Роспотребнадзорлöн юöртöм серти районын ноябр 11-öд лун кежлö коронавирусöн висьмылiс 205 морт, бурдöдысьяслöн торъя видзöдлас улынöсь 261 морт, бурдiсны ставыс 82 морт, лабораториялöн кывкöрталöм серти висьысьыс 117 морт. Ставсö син улö босьтлiсны 801 мортöс, син улын кутöмысь лэдзисны 540 мортöс. Кулiны 6 морт.