Кулöмдiнысь тылса уджалысь Текуса Васильевна Тимушевалы да война кадö быдмысь Галина Петровна Тянавлы мойвиис ветлыны юркарын мунысь парад вылö. Найöс колльöдi ме. 
Республика пасьтаысь воысьясöс зэв пöся вочаалiсны гостиницаын, вердiсны. Кывкутысь йöз чукöртчысьяслы висьталiсны аттьöалан шоныд кывъяс, мый найö повтöг тышкасисны вöрöгкöд, тылын уджалöмöн матыстiсны Победа лун. Став сьöкыдсö вуджисны и челядь. 
Куслытöм би дорын чолöмалiсны республикаса юралысь С.А.Гапликов, удж, уджöн могмöдан да йöзöс социальнöя доръян министр И.В.Семяшкин да мукöд. Ставныс пуктiсны дзоридзьяс. 
Ветлiм парад вылö. Татчö волiсны и Максаковкаса шöринын шойччысьяс да бурдöдчысьяс Нина Васильевна Тесленко, Дина Петровна Буракова да Магдалина Эриховна Морохина. Сэнi «Кувлытöм полкын» восьлалiс 12 сюрс гöгöр морт. 
Кыпыд чукöртчылöм вылын, кöнi вöлiны войнаса ветеранъяс, тылса уджалысьяс, войнакадся челядь, республикаса юралысь С.А.Гапликов бара на ыдждöдлiс вир кисьтана война пыр мунысьясöс, сикт-грездъясын олöм пыкысьясöс. Юктöдiсны чайöн. Ворсiс опера да балет театрысь оркестр, юргисны сьыланкывъяс. 
Тамара ТАРАБУКИНА, 
социальнöй удж кузя специалист. 
Снимок вылын шуйгавывсянь: Т.В.Тимушева, Г.П.Тянав да Т.А.Тарабукина.