Кулöмдiнса нёльöд номера садйö волiс «Патриоты России» политическöй партиялöн районса юкöнöн веськöдлысь Евгений Иванушкин. Татчöс челядьлы вайис козинъяс: чачаяс, карандашъяс да альбомъяс. Сетiс найöс садйöн веськöдлысь Эмилия Ивановна Чайковскаялы. Мед пö зонпосни сöвмöдасны да паськöдасны вежöр.
— Челядьлы татшöм отсöгыс абу медводдза, и, чайта, абу бöръя, — висьталiс Евгений Иванушкин. — «Патриоты России» котырö пырысьяс Сыктывкарын пыр отсасьöны челядьлы: нуöдöны сцена вывсянь петкöдчан кружокъяс, котыртлöны гажъяс, вичмöдöны козинъяс садъяслы, сьöкыда олысь семьяясысь зонпоснилы. Кутам отсавны и районса гöля олысь семьяясысь челядьлы.
Тöдвылö пасйис, мый «Патриоты России» партиялöн районса юкöн котыртчис регыд на, матö во сайын. Талун кежлö котырын 15 морт ? водзмöстчысь, быд уджö кыпалысь йöз. Эскö, мый вочасöн чукöрмасны унджыкöн. Налöн мог — отсавны судзсьытöма олысь семьяяслы, медым челядьлы вöлi позянлун тыр-бура овны да велöдчыны.