Челядькöд гажа

[ A+ ] /[ A- ]

Керчомъяса «Солнышко» садйын 2012 восянь уджалö Тамара Александровна Лютоева, кодöс коркö чинтылiсны, да та бöрын уджавлiс почта вылын. Öнi сылöн видзöдлас улын медся гырысь челядь, кодъясöс дасьтöны школа кежлö. Челядь тöдöны роч и коми кыв, но найöс велöдiгöн сёрнитö рочöн. Дасьтö мукöдъяскöд öтув гажъяс, унатор босьтö интернетысь.
— Ме лэдзи нин велöдчыны школаын öти котырöс. Тшöкыда аддзыла ывла вылысь, нимкодясьöны, корöны ас дорас. Ёна лоö уджавны рытъясöн да нöшта и шойччан лунъясö, но меным сьöлöм серти. Нимкодяся, кор налöн артмö сiйö, мыйö велöда. Век отсалöны челядьлöн бать-мам, пырöдчöны конкурсъясö, юасьöны челядь йывсьыныс. Öнiя зонпосни быдтор тöдны кöсйысьöсь. Водзтi дасьтысим книгаяс серти, унапöлöс пособиеысь. Öнi быд выльлунö öшлам серпасъяс, мый вылын кутам уджавны вежон чöж. Ёна лоö корсьысьны, отсасьö лыддьысянiнса уджалысь.
Удж бöрын да шойччан лунъясö ветлöдла «Весна» сьылан котырö, сы вöсна мый ёна радейта сьывны дзолядырсянь. Сэки пыр петкöдчим Мария Лодыгинакöд. Дзолядырсянь пыр кöсйи лоны сьылысьöн, но эз артмы. Гожöмнас верöскöд кыям чери, петавлам вöр-ваö. Радейта быдтыны дзоридзьяс.
Садйöн веськöдлысь Вера Владимировна Самарина аслас уджалысь йылысь висьталiс тадзи:
— Тамара Александровна — бур уджалысь. Сiйö общественнöй инспектор, нуöдö сайт, лöсьöдö фотояс. Зэв кывкутысь. Ме шойччыны петiгöн ставсö коля сылы и тöда, мый ставыс лоö бур.
Гижöд да снимок Галина КЛЮЖЕВАЛÖН.

Комментарии:

Добавить комментарий

Свежий выпуск: 28 марта

Осторожно — мошенники!