Вöр быдтысь-дöзьöритысьяслöн общественнöй котыр велöдчысьяс пöвстын нуöдiс серпасъяслысь «Видзам öзйылöмъясысь вöр» конкурс.
Ставыс воис 62 удж. Комиссия шуис медбурöн Зимстанысь Вероника Лодыгиналысь серпас. Медбур уджъяс мичмöдасны блокнотлысь вывкышъяс, найö лоасны магнитъяс вылын. Конкурсын вермысьяслы вичмисны сьöма сертификатъяс.

Улыс Вочын школакöд орччöн челядьлы ворсанiнö содтöд вöчисны кык качай.
Сьöм вылö, кодöс конкурсын вермöмысь сетiсны томъяслöн котырлы. Ворсанторсö кык во сайын козьнавлiс «Единая Россия» котыр.
А Вылыс Вочлы Госсöветса депутат Д.А.Шатохин отсöгöн ёртасьöм йылысь сёрнитчöм серти челядьлы ворсанiн козьналiс

Читать далее →

Юрсиктын Стрöитчысьяслысь улича да Дорожнöй туй кост водзö вöчö асшöр уджалысь Р.В.Третьяков.
Туй пöлöн кодйö гуран. Топöдö-шыльöдö тöлын вайöм лыа, вольсалас галяиз. Туй пöлöн кöрта да бетона плитаясысь вöчас подаяслы моски. Уджсö урчитöма эштöдны арöдз.

Керчомъяын чукöртчылiсны сёрнитны «Пыжа гаж» нуöдöм йылысь.
Гаж мунö 1993-öд восянь во коставлöмöн. Таво лоас июнь 25 лунö 12 чассянь. Гажöдасны районса сьылысь-йöктысь котыръяс. Волысьясöс чöсмöдласны юкваöн. Дерт жö, мунас пыжъясöн ордйысьöм.

Пожöг сиктсöветувса Мале грезд артмылiс 1892-öд воын. Оланiн зэв гажаинын: öтарсянь джуджыд кыръяс, а мöдарсянь, горулас, зэв ылöдз чукльöдлысь-мукльöдлысь Эжва ю. Медуна олысь танi вöлi 1926-öд воын: 16 овмöсын 95 морт. Öнi Малеын олö 57 морт. Том йöз лэптöны выль керкаяс, сiдзкö, грездлöн эм аскиа лун. 15 семьяын быдмö-сöвмö 18 челядь. Аски налöн пансьö медся гажа кад — гожöм, кор бурпöт позяс котравны-ворсны, купайтчыны, чöсмасьны быдсяма вотöсöн, тöдмавны уна выльтор, öти кывйöн кö — гожся зэр улын тшакъяс моз быдмыны-туны.
Гижöд да снимок Владимир ШОМЫСОВЛÖН.
Читать далее →