1.«Город без наркотиков» (Юридическöй адрес: 169300, Ухта, Юбилейнöй улича, 15-öд номера керка, 88-öд патера. Збыльвывса адрес: Княжпогост район, Месью посёлок. Электроннöй адрес да сайт: sasha.gerasimov.82@bk.ru, www.lomok.net. Веськöдлысь Герасимов Александр Михайлович (8-912-109-61-09).
2.«Мы – против наркотиков» (Юридическöй адрес: 167000, Сыктывкар, Ленин улича, 89-öд номера керка, 4-öд офис. Электроннöй адрес: krоo.mpn@mail.ru. Веськöдлысь Мальцев Руслан Васильевич, (8 (8212)57-10-97, 35-65-33).
3.«Новая Жизнь» (Юридическöй адрес: 167000, Сыктывкар, В.Савин нима улича, 26-а номера керка. Збыльвывса адрес: Сыктывдiн район, Мырты-Ю посёлок. Электроннöй адрес да сайт: newlife.11@mail.ru, www.newlife-komi.ru. Веськöдлысь Пономарев Игорь Александрович
(8-912-863-93-95, 8(8212)33-93-95,
8(8212) 24-47-22 (факс)).
Шыöдчöй, отсаласны.
Читать далее →

Совет Федерации 2 июня 2016 года одобрил федеральный закон № 172-ФЗ «О внесении изменений в отдельные законодательные акты Российской Федерации», по которому переход долей недвижимости от одного хозяина к другому надо оформлять только через нотариуса.
Не имеет значения, дарит или

Читать далее →

Кыдзи вöчны сiдз, мед гожöмнас челядькöд эз ло некутшöм лёктор?
Медводз тöдмалöй, тöдöны-ö ныв-пиныд йöзöс мездан службалысь телефон номерсö. Тöдмöдöй гижöдъясöн, кöнi серпасъясöн петкöдлöма, кыдзи видзчысьны омöльторйысь. Мед серпасалö ачыс, кыдзи оз позь вöдитчыны истöгöн, восьса газöн, электричествоöн.
Челядьлöн кучикыс шондi улын сотчö гырысьяс дорысь öдйöджык. Эн лэдзöй найöс öтнаннысö ывла вылö луншöр кадö. Дас öти чассянь дас куимöдз ультрафиолет югöръяс сотöны медъёна. Тайö кадас ворсны позьö гож сайын. Пасьтасьны кокниа, мыйкö пуктыны юр вылö.
Оз ков вунöдны лыддьысьöм йылысь. Позьö лöсьöдны тетрадь да гижавны сэтчö лыддьöм книгаяслысь нимъяссö. Позьö видзöдлыны и велöдан книгаяс. Тадзи оз вошны тöдöмлунъяс.
Ывла вылö челядьöс лэдзигöн казьтыштöй, кыдзи сёрнит-ны тöдтöм йöзкöд, мый насянь виччысьны. Висьталöй, мый вöчны, матыстчас кö тöдтöм морт чöсмöдланторйöн либö чачаöн да кутас нуöдны йöзысь бокö. Велöдöй, мый колö шыöдчыны отсöгла матысса киоскö, лавкаö, аптекаö, ветлысь-мунысьяс дорö. Повзьöдлöны кö нöйтöмöн, медбур кы-пöдны зык, мед кыласны йöз.
Кутасны кö мыйкö мырддьыны, колö сетны, мортлöн олöмыс донаджык.
Оз ков пемыдын ветлöдлыны югзьöдтöм уличаöд, йöзтöминын, стрöитчанiнын, оз позь сёрнитны тöдтöм йöзкöд.
Челядьныд кö вошисны, пыр жö юöртöй унджык мортлы да босьтчöй корсьны. Шыöдчöй газет — телевидение пыр, мед юöртасны вошöм кага йылысь, висьталасны, кутшöм сiйö, кыдзи пасьтасьöма. Öш-лöй юöртöмъяс, фотографияяс.
Челядьлы бать-мамсянь колö зэв ыджыд тöжд да дöзьöр. Лунысь лун лöсьöдöй да ёнмöдöй öта-мöд костаныд йитöдъяс. Тшöкыда сёрнитöй челядькöд ывлаын асьсö кутöм йылысь.
Биысь видзчысян да войтырöс доръян республикаса веськöдланiн.
Читать далее →

Кольöм воын Кекурысь Валентина Леонидовна Мингалёва босьтчис ыджыд уджö: чукöртiс Шахсикт грездысь Великöй Отечественнöй войнавывса фронтöвикъяс йылысь юöръяс. Та бöрын — тылын уджалысьяс да войнакадся челядь йылысь. Валентина Леонидовна ачыс чужлiс да быдмылiс тайö ичöтик грездас. Сэнi öнi олöны бать-мамыс. Кутчысис тайö сьöкыд уджас сы вöсна, мый пыр этшаджыкöн кольöны воддза олысьясöс тöдысьяс. Öнi кö он вöч, лоö сёр, öд кодсюрöлöн эз коль некутшöм рöдвуж. Тайö уджсö бергöдiгöн шахсиктсаяслöн чужис мöвп — котыртны Шахсиктын чужлöм-быдмылöм йöзлысь аддзысьлöм. Сьöлöмсянь кутчысис уджö Агния Михайловна Шахова — Шахсиктын чужлöм морт: звöнитчалiс, шызьöдiс-ыззьöдiс йöзöс, медым воласны чужан сиктö.
И со июнь 18 лунö Шахсиктын чукöртчылiсны матö ставöн, кодъяслöн олöмныс йитчöма Коми мувывса ичöт пельöскöд. Тайö луныс абу грездлöн чужан лун, сiйöс абу пасйöма календарö, но, та вылö видзöдтöг, артмис ыджыд гаж-аддзысьлöм. Сiйö мунiс В.Я.Шаховалöн (Яков Вералöн) овтöм керка дорын. Тулыснас (рöдвужыслысь юасьöмöн) резьöдiсны важ потшöс, весалiсны лöп-ёгысь. Керкаводзса луд вылö айловъяс вöчисны пызанъяс, Пожöгса культура керкаысь вайисны лабичьяс. Керкалöн öти стенмын — вочаалан гижöдъяс, мöдын — ватман вылын важся фотографияяс. Валентина Леонидовна югзьöдлiс паметьсö быдöнлысь, висьталiс, кодi сiйö либö тайö снимок вылын.
Гаж пансис луншöрын, а таöдз М.В.Чисталёвлöн (Яков Вась Мишлöн) керкаын ыджыд экран вылын петкöдлiсны Шахсикт грездысь Великöй Отечественнöй война вылö ветлысьяс, тылын уджалысьяс, войнакадся челядь йылысь чукöртöм-лöсьöдöм юöръяс. Видзöдысь чукöрмис керка тыр, кодсюрöлы ковмис весиг сулавны посводзын. Валентина Леонидовна дженьыдика висьталыштiс экран вылын петкöдлан дзик быд морт йылысь. Кодi эз вöв тöдса — гöгöрвоöдiсны став чукöрöн, кодлöн вужйысь. Сэтшöм нимкодь вöлi йöзлы аддзыны пöрысь ыджыд мам, пöрысь ыджыд бать, пöль-пöч йылысь юöр да фото, казявны, мый тэнад нырыд ли синмыд — кульöма и ляскöма, кыдз шуласны, налысь. Керка тыр ызöбтiс серам, кор аддзисны Ноннi Миколайлысь снимок: мортыс радейтiс юыштны да код юрöн повзьöдлыны челядьöс. Некор некодлы лёк эз вöчлы, сöмын тадзи кикимеритчылiс. Вöлöмкö, и миянлысь батьясöс и мамъясöс, а кодсюрöлысь и внукъяссö, повзьöдлывлöма. А кутшöм мичаöсь вöлöмаöсь пöчьясным, кодъяс снимайтчигкежлö пасьтавлöмаöсь сыръя дора чышъянъяс. «Дзик быттьö артистка», — уна йылысь шуисны видзöдысьяс. Войнакадся челядьлöн снимокъяскöд öттшöтш — налöн казьтылöмъяс.
В.Л.Мингалёва батьыслöн казьтылöмъяс серти дасьтöма зэв ыджыд гижöд Вомын грезд йылысь. Сэтчö бур олöм корсьöм могысь лэччылöмаöсь шахсиктсаяс 1930-öд воясын, а 1960-öдын локтöмаöсь бöр. Сюрöмаöсь Вомынын олан кад йылысь фотографияяс.
Ыджыд козинöн лоис «Юсьöм сикт» дженьыдик кино. Шахсиктын чужлöм-быдмылöм Иван Шахов (öнi асшöр уджалысь) снимайтiс сiйöс республикаса телевидениеын уджалiгöн да петiс вермысьяс лыдö Россияса конкурсын. Кодкö, гашкö, шуас, янöдiс пö чужанiнсö страна пасьта. А менам горшöй гöрддзасис, кор аддзи найöс, кодъяс томöн мунiсны мöдар югыдас вина вöсна. На лыдын — Иванлöн вокыс, кодöс шулiсны Дзоля Коляöн. Сылöн медводдза велöдысь Фаина Калистратовна коркö шулöма: уна во нин пö велöда, а математикаысь татшöм юра зонкасö эг на аддзыв. Либö Дзоля Вова. Мамыс кувсис, кор зонка вöлi потанын. Колис бать да пöрысь пöч вылö. Отсöг вылö воисны ас сиктсаяс. Бура помнита, кыдзи Лия обöкöд волiм на дорö асывнас, обöй гартлiс-пасьтöдiс Воваöс нуны яслиö.
Коля да Вова олiсны олöм, юисны, но некор некодöс некыдз эз дойдлыны, лёксö эз вöчлыны. Гашкö, сöмын пыдзыртлiсны юöмнас мамыслысь сьöлöмсö. Мыйлакö меным найö зэв жальöсь. Чайта да, мукöдыслы сiдзжö.
Дасьтыны ыджыд гижöд, сюйны компьютерö Валентина Леонидовналы отсалiсны Татьяна Павловна Мингалёва моньыс, челядьлысь енби сöвмöдан шöринлöн юкöнöн веськöдлысь Светлана Борисовна Шахова. Зэв ыджыд отсöг вичмис Полина Борисовна Сенькинасянь. Сiйö библиотекар, ачыс Кекурса, но кадöн артасьтöг дасьтiс компьютерöн петкöдлöм вылö снимокъяс да гижöдъяс.
Лун шöрын шахсиктсаяс чукöртчисны Яков Вералöн керка дорö. Валентина Леонидовна гажсö восьтiс Татьяна Шаховалöн (том гижысьяслöн котырö пырысь, быдмис Ярашъюын, бать-мамыс Шахсиктысь) кывбурöн.
Шах ыб бокын, Шах ты дорын
Куткырвидзö миян сикт.
Нёльöд сё нин грездлы тырö.
Муса чужанiн — Шахсикт.
Читать далее →

Керчомъяын зэв уна йöзöн да сьылысь-йöктысь котырöн мунiс «Пыжа гаж»
Июнь 25 лунö асланыс вад дорын кыпыда пасйисны «Пыжа гажöн» Керчомъя сиктлы 370, татчöс шöр школалы 155, библиотекалы 120, культура керкалы 55 во тырöм асьныс керчомъясаяс да öтувъя гаж вылö корöм йöз да сьылысь-йöктысь котыръяс.
Читать далее →