Меню

12 июля — день воинской славы России.

12 июля В этот день в 1943 году под Прохоровкой произошло крупнейшее во Второй мировой войне танковое сражение между советской и германской армиями.

Выльторъяс

Босьтлöны гортаныс

Гожöмын олöмаяслöн да вермытöмъяслöн Югыдъягса керкаысь олысьясöс рöдвужыс босьтлö гортас.

Читать далее

-Тшыглун DSC02619да сьöкыдлун вылö видзöдтöг овлiм долыда, быттьö эг и мудзлöй. Сiйöн, гашкö, дыр и ола, — висьталiс юрсиктысь Зоя Петровна Тарабукина, кодлы июнь 29 лунö тырис 90 арöс.

Читать далее

«Республикалы-95» фотоконкурс вылö

 

1973 НВоч Население и участковы
Читать далее

Енбиа бипур

Июль 4 лунö юрсиктса библиотека котыртлiс Кулöмдiнын чужöм да быдмöм, öнi Сыктывкарын олысь да уджалысь поэт да учёнöй Елена Васильевна Ельцовакöд (йöзöдчö Алёна нимöн) аддзысьлöм. Ас кадö школаас велöдчигöн ме сiйöс, кыдзи и мукöдöс, велöдышталi, кыдзи гижны, мед казялiсны йöзыс, газетъясын, журналъясын да книгаясын йöзöдчöм серти видзöдалi, кыдзи быдмö тайö гижысьыс, да окотапырысь ветлi аддзысьлöм вылас.
И босьтi кыв да висьталi, мый Алёна Ельцова йöзöн пыдди пуктана кывбуръяс тэчысьяс лыдын, кодъяс вылын чужöмсяньыс талунöдз кутчысьö коми литература — вужвойтырлöн лов кыпöд. Сылöн гижны босьтчан кадö кывбуралысьыд вöлi уна, районса газетлысь редакцияöс, кöнi ме уджалi и уджала век на, позьö шуны, кывбуръяснад пöдтылiсны. Шогманаджыкъяссö ме лöсьöдыштавлi да петавлiсны газетын. Вонас öтчыд кывбуралысьясöс да висьтъяс-серпасъяс гижысьясöс чукöртлiм редакцияö да велöдiм, кыдзи колö гижны, весиг республикаса нималана гижысьясöс корлöмöн. Öтияслы тайö велöдöмыс и менам торйöн быдöнлы письмöяс да аддзысьлöмъяс-велöдöмъяс нинöм эз сетны, а Алёналы менам шуöмöй, мый гижöднад колö лыддьысьысьöс чуймöдны, вöрзьöдны сылысь сьöлöмсö, буракö, колис вежöрас. И нöшта лоны сöмын ас кодьыд, мед лыддьысьысь медводдза строкасяньыс тöдiс, мый тайöс гижöма Алёна Ельцова.
А сямыд, кыдз тöдса, чукöрмö велöдчöмöн, вежöртö паськöдöмöн. Асланыс шöр школаын велöдчöм кындзи Алёна Ельцова помалiс Сыктывкарын искусствояслысь гимназия, сэнi жö университет, Москваын высшöй литературнöй курсъяс. 2005 восянь уджалö Коми наука шöринлöн кыв, литература да история кузя институтын да, дерт жö, öтарö содтö тöдöмлунъяс. Семья лöсьöдöмöн да ичöтöс быдтöмöн, дерт, кывбуръяс вылö кад сюрö этшаджык, но гижöмысь ань оз лэдзчысь. Талун кежлö петiс нёль сборник. Лöсьöдiс ыджыд йöрыш, кодi коркö, дерт жö, петас. Лючки кадсö шуны он вермы, сы вöсна мый книга лэдзысьяс ыстысьöны сьöм тырмытöм вылö.
Алёна йылысь кыв шуигöн ме нöшта сувтлi сы вылö, мый сiйö мыджсьö кывбуръяслöн нэмъясöн артмöм мыгöр да лов вылö, а эз шыбöлит уна моз сiдз шусяна «еджыд кывбур» вылö, кöнi эм сöмын мöвп, а рифма ни размерыс абуöсь. Быттьö сос пöла дöрöм ли пыдöстöм пыж, кодъяс, дерт жö, оз шогмыны. Менам видзöдлас вылö, тадзи ёна «дурöм вöсна» и дугдiсны судзöдны «Войвыв кодзув» журнал, республика пасьта разалö сöмын нёльсё. Дзик юръяндзим таысь, но ни асьныс тадзи гижысьяс, ни гижысь котырöн веськöдлысьяс вежсьыны оз мöвпавны. Том и верстьö гижысьяскöд аддзысьлiгöн и йöз водзын сёрнитiгöн ме век тöдчöда, мый поэзия юкöнын миянлы шондiясыс — югыдыс да шоныдыс — тайö Александр Сергеевич Пушкин, Михаил Юрьевич Лермонтов, Сергей Александрович Есенин да мукöдъяс, кодъяс гижлiсны быдöнлы гöгöрвоана, но сэк жö и джуджыд мöвпа, сьöлöм вöрзьöдана, «мича паськöма» кывбуръяс, эз вежнясьлыны öнiя кывбуралысьяс моз.
Алёна Ельцовалы мойвиöма сыöн, мый Москваын велöдчигöн вöлöма Юрий Кузнецовлöн семинарын. Юрий Поликарпович, менам видзöдлас вылö, — зэв ыджыд сяма поэт. Медводз эськö тöдчöдi сылысь джуджыд вежöрсö. Поэт абу нин ловъя. Сiйöс казьтылысьяс да сямсö туялысьяс ме моз жö медводз тöдчöдöны кывбуръяссьыс да поэмаяссьыс джуджыд мöвпсö. Торйöн нин шензьöдöны сылöн Ен йылысь поэмаясыс. Алёна Ельцовалы, кыв шутöг, Юрий Кузнецовöдз ылын, но ыджыд киподтуя мортыслысь висьталöмсö пель саяс сюркнялöма: ни öти кывбур абу кагаöс ылöдлöм могысь сылы сетöм куш нёнь, быдын мöвп да лов, мед кöть и тайö, шуам, татшöм серпас:
Сотчö, югыд гöрдöн ломалö
Пелысь би.
Пелысь улас, шуда, котралö
Менам пи.
Гижысьлы, менам видзöдлас вылö, зэв дона чужан муыс, ставыс, мый сiйö аддзö аслас синъясöн. Кызвыннас сiйöс серпасалöм да такöд йитöдын сьöлöм кылöм и подулыс, мый вылын кутчысьö Алёна Ельцовалöн поэзияыс. Серпасалöмыд этша, колö эськö и бöрдыштны, и скöрмывны сыысь, мый сiйöс дзик яндысьтöг куштöны миян Эжва йылын вöр пöрöдöмöн да став ловъясö бырöдöмöн. Кыдз шулiс Геннадий Анатольевич Юшков, мед юрад и вомад мöрччанаыс вöлi. И колö чайтны, татшöм сюрöса кывбуръясыс поэтлöн лоасны: сiйö том на, комын сизимыд, кыдз гижлi ме öти кывбурын, — абу на арлыд.
Пасъя, мый Алёнаöс кывзiсны шоныда. Уна бур кыв висьталiсны сы йылысь велöдысьяс: Г.И.Карманова, Н.А.Нефёдова, Д.П.Буракова, Н.А. Попова. Сiдз, Дина Петровна Буракова шуис:
— Мунiс öкмысöд классысь (велöдчыны искусствояслöн гимназияö — В.Л.) да быттьö классын некод эз коль, некод дорö кутшöмкö да могöн шыöдчыны. Сiйö быдторйöн отсавлiс, быдтор вылö кыпавлiс.
А кыдзи висьталiс Галина Ивановна Карманова, велöдчис зэв бура — кызвыннас «вит» вылö. И збыльысь лоис гижысьöн, кыдзи кöсйис. Гижны сöмын на босьтчигас вöлiны строкаяс:
Менам бать парашютист,
А ме лоа журналист.
Поэтыд, дерт, абу журналист. Но öд Алёна Ельцова, видзöдöм серти, тöдвылас кутiс чужан кывнас вöдитчöм. Сiйö миян ыджыд поэт Альберт Егорович Ванеев моз уджалö Коми наука шöринлöн кыв, литература да история кузя институтын, 2005 восянь нин. Öтырышъя чужан кывлöн да литературалöн кытшын. И танi аслас Эжва дорö матын: филологияса кандидатлöн ним вылö диссертациясö дорйис Вениамин Тимофеевич Чисталёвлöн (Тима Веньлöн) гижöдъяс серти. Пединститут помалöм бöрын менö А.Е.Ванеев зэв жö корис пырны да велöдчыны аспирантураын, туявны-сöвмöдны коми кыв, но тайöс ме бöрыньтi да босьтчи велöдны школаын. Сьöлöм сертиыс кö тайö уджыс Алёналы, мед ставыс артмас.
Кыдзи висьталiс сiйö, йöзкöд аддзысьлö окотапырысь. Кытчö корлöны, сэтчö и мунö. Оз сöмын ас республикаын, но и суйöр сайын. Лöсьöдöм йитöдъяс сетöны позянлун йöзöдчыны и сэтчöс газетъясын да журналъясын. Кывбуръясыс петавлiсны роч, финн, эст, англия, венгр, француз, мари, мордва, узбек кывъяс вылын.
А.Ельцовалöн поэзия йылысь окотапырысь гижöны öнiя литература донъялысьяс, торйöн кö, В.И.Мартынов, В.А.Латышева, А.В.Малева. Кыкысь гижлi и ме. Öти гижöдыс петавлiс «Коми муын», а мöдыс «Парма горын».
Мамыс, Надежда Михайловна Ельцова, тайö аддзысьлiгöн шуис, мый Алёналы кывбуръяс вылö кадыс öнi сюрö этша: радейтö уджсö да уна вичмöдö сылы, тöждлун корö и семья. Но ме чайта, мый тайö оз падмöд да кусöд енбиа бипурсö, кодöс сiйö öзтiс Эжвалöн берег дорын да тыдалö став мирыслы.
Öткодявны кö воддза нэмкöд, дерт, öнi мирса да Россияса поэзия пöвстын комилöн тшупöдыс улынджык, но кутöны нöшта улöджык тшупöдö лэччöмысь сэтшöмъяс, кыдзи Алёна Ельцова, Анжелика Елфимова, Александр Шебырев, Нина Обрезкова. Бур вылö лачаöн и артмис менам татшöм кывбур:
Поэтъяс чужан мулöн эмöсь,
Быд вожын сьылö колипкай
Да абу ывла вылас пемыд,
Кöть корсьлö шондiыс и сай.
Читать далее

Свежий выпуск: 28 марта

Осторожно — мошенники!