6 июля из Великого Новгорода в Коми отправится автоэкспедиция «Земляки». Журналисты Ассоциации СМИ Северо-Запада (АСМИ), агентства БНК, газеты «Новгородские ведомости», Новгородского областного телевидения и интернет-издания 53news.ru проедут по пути, которым 500 лет назад в Усть-Цильму отправились новгородцы. Финиширует экспедиция на

Читать далее →

Кыдз тi чайтанныд, мый тайö татшöмыс? Кодi танi гудйысьöма? Гашкö, муош? Либö вöрпорсь? 
Татшöм серпассö ми аддзим Пузла дорса видзьяс вылысь. «Комилесбизнес» котырöн веськöдлысь А.С.Игнатовлöн кывъяс серти, тулысын, кор петалiсны майся гаглöн номыръяс, волывлiсны видз вылö, гудйисны мусö да чöсмасисны наöн ошъяс. 
Öти лунö аддзылöмаöсь видз вывсьыс дас ошкöс! Керкаяс тайö видзсяньыс матынöсь да видзöдöмаöсь öшинь пыр. Ошъяс ас дораныс матö йöзöс эз сибöдны, пышйисны вöрö да кыйкъялiсны сэсянь. 
Гижöд да снимок 
Галина Клюжевалöн.
Читать далее →

Пыр тшöкыдджыка йöз сёрнитöны, мый регыд 9-öд да 11-öд класс помалысьяс кутасны сдайтны нöшта английскöй кывйысь экзамен. Велöдöм да наука кузя министр Ольга Васильева висьталiс, мый тайöс пыртасны 2022 воын. Мый мöвпалöны та йылысь англия кыв велöдысьяс, бать-мам да асьныс

Читать далее →

Некымын во кольöм бöрын май 31 лунö машинаöн йöв лысьтысьяс ордйысисны «Помöсдiн» кооперативлöн Скöрöдумса фермаын. Вöлiны Пожöгдiнысь Анжела Николаевна Шебырева да Марта Васильевна Шахова, Помöсдiнысь Нина Александровна Третьякова, Лидия Васильевна Уляшева да Ольга Павловна Сенькина, Скöрöдумысь Александра Александровна Туркина, Анна Григорьевна Уляшева да Елена Юрьевна Михайлова. Найö кад вылö резьöдiсны да бöр тэчисны лысьтысян аппарат, лысьтысисны, вочавидзисны юалöмъяс вылö. Ордйысисны ёртасьöмöн, öта-мöдлы отсалöмöн. 
Ставсö артыштöмöн вермис О.П.Сенькина, кодi ветлас республикалöн тшупöда ордйысьöм вылö. Ольга Павловна уджалö медводдза во, но асьсö петкöдлiс сöмын бур боксянь: зiль, кывкутысь, ставсö öдйö вежöртысь. Сылöн чукöрысь быд мöс öнi шöркодя сетö 14 килограмм йöв, а кольöм вося майын вöлi 9,5 килограмм. Ольга Павловна уна челядя мам, быдтö вит челядьöс. 
Мöд да коймöд местаяс лоисны Е.Ю.Михайловалöн да Л.В.Уляшевалöн (2013 вося конкурсын вермысь). 
Став ордйысьысьлы вичмисны аттьöалан гижöдъяс да сьöма премияяс. 
Снимок вылын: конкурсын петкöдчысьяс. 
Анастасия Ярова, 
видз-му овмöс юкöнса начальник.
Читать далее →

Кулöмдiнысь Роман Михайлович Рассыхаев ГИБДД-лöн районса юкöнын 2010-öд восянь. Сiйö туйвыв патрульлöн котырын инспектор. Юристö велöдчис Выльгортса видз-му овмöс техникумын да нöшта уджалiгöн öнiя кадся Москваса гуманитарнöй академиялöн Сыктывкарса юкöнын. 
Лун и вой туйвыв патрульлöн котырса инспекторъяс видзöдöны-öлöдöны, мед подаяс да водительяс пöртiсны олöмö урчитöмторъяс, тöждысьöны лöнь олöм вöсна. Тавося майын Роман Михайлович патрульно-постовöй службаын уджалысь Алексей Адольфович Пашнинкöд машинаöн ветлiсны юрсиктса уличаяс кузя. Дежуритан юкöнсянь юöртiсны, мый уна патераа öти керкаын мортöс сатшкисны пуртöн. Найö вöлiны орччöн да пыр жö пырисны индöминö. Доймалöм морт вöлi ловъя, куйлiс джоджас, а мöд отсалiс сылы. Юасисны да тöдмалiсны, кöнi олö мыж вöчысь, да кутiсны. Код юра морт эз водзсась, сетчис. Вайöдлiсны доймысь дорö, мед тöдны, мый збыль сутшкис сiйö. Нуисны полициялöн юкöнö да водзö уджалiсны туясьысьяс. 
Роман Михайлович вöлi районлöн был пельöсын. 
— Тулысын-арын ыджыд тöдчанлун сетам челядьлы, велосипедöн да мотоциклöн ветлысьяслы, мед найö пöртiсны олöмö урчитöмторъяс да эз су неминуча. Видзöдам, мед код юрöн эз пуксьыны руль сайö. Öтчыд код юра öти водитель вылö дасьтi вит гижöд. Вывтiасьöны да веськöдлöны правотöг, пасйытöм машинаöн, оз кывзысьны инспекторъяслысь. Туйвывса урчитöмторъяс колö бура тöдны да пыдди пуктыны быдöнлы, — тöдчöдiс Р.М.Рассыхаев. 
Гижöд да снимок 
Марина Дадашовалöн.
Читать далее →