Меню

Лыйсисны медбура

Февраль 25-28 лунъясö Воркутаын мунiс пневматическöй винтовкаысь лыйсьöм кузя муниципалитетъяс костын нуöдан республикаса ордйысьöм.
Миян районысь нёль морта котыр, кытчö пырисны Л.Тишина, В.Кудлович, В.Игнатов да Е.Сысоева, лыйсис медся бура.

Никита лоис медбурöн

Кольöм во помын районын мунiс муниципалитет тшупöда ставроссияса олимпиада.
19 велöданторйысь тöдöмлунъяс петкöдлiс 705 велöдчысь. Медбурöсь лоисны Кулöмдiнса, Помöсдiнса да Кебанъёльса шöр школаясын велöдчысьяс. Тавося январ 16 лунсянь февраль 6 лунöдз вермысьяс петкöдчисны республика тшупöдын. 14 велöданторйысь петкöдчис 20 морт.

Читать далее

16-öн оз шогмыны

Февраль-мартын республикаса военкоматлöн Кулöмдiнса юкöн медводдзаысь пасйис 81 зонмöс, кодъяслы таво тырас 17 арöс.
Бурдöдысьяслöн донъялöм серти 58-öн тырвыйö дасьöсь армияын служитiгкежлö, 14 мортлы колö бурдöдчыны, 16-öн армияö оз шогмыны.
Армияö лöсьöдчысьясöс тöдмöдiсны «Военнöй служба йылысь» законö пыртöм выльторъясöн да висьталiсны, кутшöм войскаясö веськаласны.

Эльвира Витальевна Касева витöд во веськöдлö олöмаяслöн Дзольса котырöн.

Ветлöдлö на дорö гортöдзныс, чолöмалö тшупöда да паса лунъясöн, котыртлö гажъяс. Кор чукöрмылö сьöм, вичмöдлö дзоляник козинъяс. Дзольса юралысь Г.И.Логиновкöд водзмöстчöмöн сувтöдiсны шойна вылö пыранiнö татчö дзебöм Великöй Отечественнöй война вылö ветлысьяслöн нимъяса пас.
Эльвира Витальевна чужис да быдмис Дзолльын. Школа помалöм бöрын вит во велöдiс сэнi ачыс. Андрей Иванович верöсыс помавлiс театрса искусствояслысь Москваса институт, лоис киноса да драмаса актёрöн. Ковмис мунны Сыктывкарö, сы вöсна мый верöссö корисны драмтеатрö. Сиктын чужлöм мортöс бöр кыскис чужанiнас. Медводз локтiс ачыс, сёрöнджык бергöдчис и верöсыс, кодöс индiсны веськöдлыны районса культура юкöнöн. Эльвира Витальевна Дзольса школаын во велöдöм бöрын куим во уджалiс велöдан юкöнлöн фильмотекаын, öкмыс во кывкутiс райпотребсоюзлöн складъяс вöсна, 11 во вöлi автотранспортнöй предприятиеын контролёрöн, механикöн да диспетчер-контролёрöн, кысянь и петiс 1997 воын пенсия вылö да бöр локтiс Дзолльö. Кыдзи висьталiс Э.В.Логинова, сылы быдторйын ёна отсасьöны А.Е.Кочанова, Н.Ю.Осокина, А.Г.Логинова да сиктса юралысь Г.И.Логинов.
Гижöд да снимок Алексей КОРЕЦКИЙЛÖН.
Читать далее

Дзирдыштiсны кулöмдiнсаяс

Март 7-öд лунö районса культура керкаын кыпыда мунiс «Vip-кодзув» конкурс.
Сям петкöдлiс öкмыс сикт-посёлокысь дас гоз сьылысь. Гран-при да видзöдысьяслöн приз вичмис Кулöмдiнысь И.А.Гульколы да А.В.Голайдолы. Медводдзаясöн лоисны Югыдъягысь А.И.Ковальчук да Н.А.Журавская, мöдöн — Вöльдiнысь И.А. да Р.А.Андриевскаяяс, коймöдöн — Дереваннöйысь С.Н.Габов да М.В.Гаманжий.

Свежий выпуск: 28 марта

Осторожно — мошенники!