Бöрйис ачыс

[ A+ ] /[ A- ]

Дереваннöй сиктысь Евгений Олегович Воронов 11-öд классын велöдчигöн мöвпыштiс лоны военнöйöн да шыöдчис райвоенкоматö. Дзоньвидзалун видлалiсны Кулöмдiнса да юркарса бурдöдчанiнъясын. Краснодарö С.М.Штеменко нима высшöй военнöй училищеö сдайтны экзаменъяс мунiс öтнас.
— Школаын пыр велöдчи бура да кокниа сдайтi физикаысь, информатикаысь, географияысь да обществознаниеысь экзаменъяс, кодъяс колöны училищеö пырöм могысь. Ёна ёртаси спорткöд да физкультураысь босьтi 100 балл. Аттьö велöдысь Мария Андреевна Нестеровалы, кодi челядьöс ышöдö туристалöмö, новлöдлö ордйысьöмъяс вылö. Ме пыр вöлi вермысьяс лыдын. Бöрйи «юöръяс видзöм» юкöн да велöдча нёльöд во нин, — висьталiс том морт.
Кык во велöдчигöн республикаысь вöлiны кыкöн. Коймöд вонас локтiс Кулöмдiнысь Артур Карманов. Кад вичмигöн петавлöны карö, ветлöны видзöдны футбол, пыралöны театръясö, циркö.
Воддза воын Евгений Олегович тöдмасис нывкöд, кодi университетын велöдчö агрономö, да кольöм воын öтлаасисны, волiсны зонлöн чужанiнö.
— Моньлы сьöлöм вылас воис сиктын лöнь олöм, сöстöм сынöд. Пилöн ёна бырö гажыс вöр-ваысь да быд волiгöн ветлö кыйны чери, тöвнас котралö лыжиöн. Дерт, сьöкыд вöлi торйöдчыны пикöд, лэдзи сьöлöм бердысь. Но сiйö ачыс бöрйис туйвизьсö да батьыскöд эг сувтöй паныд. Военнöйлöн специальносьт зэв тöдчана да колана. Эскам, мый Евгенийлöн ставыс лоас бур, — сёрнитiс Наталья Владимировна мамыс.
Марина ДАДАШОВА.
Снимок Евгений ВороновлÖн чукöртöмысь (шуйгавывсянь веськыдвылö):
Е.О.Воронов коймöд.

Комментарии:

Добавить комментарий

Свежий выпуск: 28 марта

Осторожно — мошенники!