Спорткöд ёртасьöм ёна отсалiс служитiгöн Руслан Гуляевлы, кодi чужанiнö бергöдчис кольöм во помын. Вöлi Новочеркасскын, ыстылiсны Ростов-на-Донуöдз.
— Армияысь повны оз ков. Сiйö верстяммöдö зонъясöс, велöдö овны ас вежöрöн. Дыр служитысьяс эз вывтiасьны. Олiм ёртасьöмöн, — висьталiс вöвлöм салдат.
Руслан водзö мöвпалö йитны олöмсö спорткöд. Кöсйö пырны Сыктывкарса университетö  физкультура факультет вылö. Мöдöд классянь ворсiс футболысь да волейболысь, вöлi школаса öтувъя котыръясын. Рытъяснас ветлö спортзалö. Томъяслöн Кебанъёльса öтувъя котыркöд ветлiс нин футболысь ордйысьöм вылö Помöсдiнö, Озъягö. Ворсiсны и ас посёлокын, кöнi петiсны медбурöн.
Гижöд да снимок Марина Дадашовалöн.