Кольöм пекничаын автомобильнöй транспорт вылын уджалысьяслöн лун водзын юрсикт шöрын мунiс конкурс, кöнi машина вылын ветлан сямöн да туйвывса правилöяс тöдöмöн, медицина отсöг сетöмын вермасисны нывъяс да аньяс. Конкурс котыртiс Россияса ДОСААФ-лöн районса юкöн, петкöдчысьясöс донъялiсны ГИБДД-лöн районса юкöнысь, шöр бурдöдчанiнысь, районса администрацияысьобщественносьткöд йитöд кутан да том йöзлöн туйвизь, культура да национальнöй туйвизь юкöнъясысь, ДОСААФ-ысь уджалысьяс. 10 петкöдчысьысь медся бурöн шуисны Кулöмдiнысь Анна Андреевна Башуринаöс.
-Руль сайын во да куим тöлысь. Аслам вына УАЗ машинаöн тулыс-ар ог пов петны туйö. Ог сибды весиг чужанiнö, Керчомъяö, мунiг-локтiгöн. Верöс менам туйдысь, велöдысь, отсасьысь, — пасйис ань.
«Ме бöръя ДОСААФ-ын велöдчöм» паса баннер вылын лоас А.А.Башуриналöн снимок.
Конкурсын мöдöн лоис Кужйысь В.Н.Кузнецова, коймöдöн — Кулöмдiнысь Н.Н.Попова. Ставнысö торъя шуöмъяс серти пасйисны дипломъясöн да козинъясöн.
Гижöд да снимок
Марина Дадашовалöн.