Август 28 лунö шогмытöм туйяс вöсна эз петны Дiасёръяысь, Помöсдiнысь да Ярашъюысь йöзöс новлöдлан автобусъяс. Та йылысь водзвыв юöртiсны районса администрациялы йöзöс новлöдлысьяс. 
Юрсиктöэз воны найö, кодъяс водзвыв гижöдчылiсны бурдöдысьяс дорö, öд буретш август по-ланьын шойччöм бöрын удж вылöпетiсны сэтшöм бурдöдысьяс, кодъяс дорö видлöдчыны быть колö пыравны школаö пырысьяслы, школа помалöм бöрын водзöвелöдчыны мунысьяслы, водительясö велöдчыны босьтчысьяслы да с.в. Эз веськавны пенсиялöн фондö, эз воны экзаменъяс вылöнайö, кодъяс велöдчöны водительö. Мыйла т-дзи лоис да мый вöчасны серпассö бурмöдöм могысь, висьталiсны: 
Василий Витальевич БАДЬИН — районса администрацияöн веськöдлысьöс вежысь: 
— Йöзöс автобусöн новлöдлысьяс нинöм эз торкны. Öти-кö, найö водзвыв юöртiсны гижöмöн. Мöд-кö, найöкывкутöны ветлысьяслöн олöм да дзоньвидзалун вöсна, мый йылысь пасйöма йöзöс новлöдлысь асшöр уджалысьяскöд районса администрацияöн лöсьöдöм контрактъясын. Ми пыр жöйитчылiм да гижим автомобиль туйяслöн управлениеö, мед пыр жöкорсясны петан туй. Управлениеса начальник В.А.Пронин эскöдiс, мый Кулöмдiн — Помöсдiн туй бурмöдöм могысь вуджöдас кык миллион шайт. Пожöг-Кырныша костын туй лöсьöдас туй вöчан да дзоньталан юкöн. Лоöмторсöда эскöдöмсöкутам видзöдлас улын. 
Иван Васильевич РАКИН — йöзöс новлöдлан районса котырöн юрнуöдысь: 
— Туй вылын кöлоас неминуча, мыждасны-пуксьöдасны оз туй вöсна кывкутысьясöс да кутысьясöс, а водительöс. Туй вöчан да дзоньталан Кулöмдiнса юкöн куим во нин зэв омöля тöждысьöтуйяс вöсна. Помöсдiнса автобус муртса эз пöр. Аныбсянь локтысь йöз тыра автобусöс шыблöдлiс да кыскыштiс туй бокас. Автобусъяс жугласьöны, менам механик оз и петавлы гаражысь, пыр дзоньталöтехника. Йöзöс новлöдлысь куим асшöр уджалысь шуисны, мый оз петны туйöсентябр 5-öд лунöдз. Ме аддзысьлi администрацияöн веськöдлысь С.В.Рубанкöд. Сiйö телефон пыр йитчылiс В.А.Пронинкöд. Туй кутысь эскöдiс, мый ставсö лöсьöдас. 
Денис Анатольевич ПАВЛОВ — ГИБДД-лöн районса юкöнысь туй бöрся видзöдысь государственнöй инспектор: 
— Дiасёръясянь Помöсдiн туй кузя мунны позьöна, лёк некымын юкöн. Шогмытöм Кырныша-Улыс Ярашъю туй кост, кодi автомобиль туйяслöн управление улын. Август 15 лунöгижлi сэтчöда лöсьöдыштлiсны. Август 29 лунöветлi сэтчöвыльысь да туй юкöныс бара шогмытöм. Бара шыöдчи управлениеö, мед сиптасны кад кежлöыджыд машинаяслы. Колöлöсьöдны вит лунöн. Оз кöвöчны, шыöдча прокуратураö. 
Сергей Иванович ИЕВЛЕВ — районса админист-рацияысь туйяс кузя удж юкöнысь юрнуöдысь эксперт: 
— Шыöдчим управлениеö. В.А.Пронин кöсйысис Кулöмдiн-Помöсдiн туй вылысь Пожöгöпыран туй весьтсянь, кöнi помасьöасфальт, водзöтыртны гуранъяс да шыльöдны грейдерöн. Дiасёръясянь Помöсдiнöдз лöсьöдас «Оптималес»котыр, кодi тöждысьöтайöюкöн вöсна. 
Анатолий Егорович УЛЯШЕВ — Помöсдiнса юралысь: 
— Шогмытöм туйясöн колöмунны зэв надзöн да видзчысьöмöн. Полöны петны весиг бур ас машинаöн. Новлöдлысьяс ёна содтiсны донъяс да абу быдöнлы зеп серти. 
Нина Геннадьевна ПАШНИНА — Пожöгса юралысьлысь могъяс олöмöпöртысь: 
— Пожöг вожса олысьяс нимкодясисны, мый августсянь Кулöмдiнсянь юркарöдз ветлöавтобус да студентъяс воöдчасны кокниа да донтöм-джыка. Кутшöм нин юркар, кор ог вермöй мунны юрсиктöдз. 
Владимир Валерьевич НЕСТЕРОВ — Дiасёръясянь Кулöмдiнöдз автобусöн новлöдлысь асшöр уджалысь : 
— Ветлöм бöрын лоöвежны кöлеса, ньöбны запчасть да дзоньтасьны, этша вылöмунöвит сюрс шайт. Шогмытöм туйяс автобус кутысьяслы вайö-ны ыджыд воштöмъяс. Помöсдiнсалöн автобусыс потiс шöри. 
Сергей Алексеевич ДЁМИН — Ярашъюса водитель: 
— Улыс Ярашъю-Кырныша туй кузя новлöдлi йöзöс Пожöг дорын понтон восьттöдз. Тулыссяньыс эг аддзывлы, мед вöр тыра машинаясöн лойöм туй лöсьöдiс грейдер. Öтчыд кос лунöпеталiс да нырыс муас эз инмыв. 
Сёрнитысьяс вöзйисны туй вöсна кывкутысьясöс овмöдлыны кад кежлöмиян районö, сiйöжöПожöг вожö. Гашкö, вывтiныс мунöм бöрын гöгöрвоасны, кыдзи овсьöйöзлы, да кутасны уджавны кывкутöмöн. 
Марина ДАДАШОВА. 
Владимир НЕСТЕРОВЛÖН снимок вылын: 
Помöсдiнса автобус потöминъяс сваритöм бöрын.