Скöрöдумысь Иван Дмитриевич Пашнин челядьöс лыжиöн котравны велöдö 1979 восянь. Буретш сэки Скöрöдумын восьтiсны спорт школалысь юкöн да сiйöс, кыдз бур спортсменöс, корисны уджавны. Вермöмъяс шедöдiс школаын велöдчигöн на, котралiс весиг район вöсна. Сыктывкарса училищеын велöдчигöн вöлi «Трудовые резервы» республикаса котырын. Чужанiнын нёль во уджалöм бöрын сылöн быдтасъяс лоисны медся тэрыбöсь. Спортса мастерö кандидатöн лоис Муза Шомысова. Водзтi Егор Ермаков, Наталья да Дарья Дёминаяс вöлiны республикаса öтувъя котырын. Öнi Россия тшупöдын петкöдчöны Владимир Дёмин, Ярослав Ефремов, Данил Липин. Бöръяыс кольöм воын лоис Россияса чемпионöн.
Иван Дмитриевич ачыс спортса мастерö кандидат, век петкöдчö ордйысьöмъясын.
Марина ДАДАШОВА.