admin

Носимын зэв кыпыда пасйисны сиктныслы 370 да «Троича» гажлы 25 во тырöм

Таво районса Немдiн, Керчомъя, Носим да Куж сиктъяслы тырас артмöмсяньыс (гижöмöн пасйöмсянь) 370 во. Медводдзаöн ыджыд тшупöдсö июнь 19 лунö пасйис Носим, сы вöсна мый тайö лунас Троича, а сiйö 25 во сайын лоис сиктсалы медшöр гажöн.

S5002591
Луныс вöлi мича, и йöзыс сиктсайса вöвлöм му вылö, кöнi тöвнас котыртлöны лымвывса ордйысьöмъяс, чукöртчылiс зэв уна. Сиктса юралысь Е.К.Лодыгина кындзи, найöс чолöмалiсны районса администрацияöн веськöдлысь С.В.Рубан, республикаысь Госсöветса депутат Д.А.Шатохин, Носимсянь райсöветса депутат М.С.Тарабукина, гаж вылö волысь сьылысь котыръяс да торъя гажöдысьяс. Татшöмъяс лыдын вöлiны Сыктывкарысь республикаса пыдди пуктана артистка Вера Булышева, Выльгортысь Алёна Уляшёва, Дереваннöйысь «Пой, душа», Шöръ-ягысь «Югыд кодзув», Кулöмдiнысь «Эжваса дзоридзьяс», Донысь «Донские зори», Зимстанысь «Зимстаночка», Югыдъягысь «Лебедушка» котыръяс, Аныбысь айловъяс да Керчомъяысь частушкаяс ливкйöдлысьяс.
Ачыс сиктса юралысь да гажсö нуöдысьяс Анна Кочанова да Надежда Илларионова унаысь пасйисны, мый чужöмсяньыс сикт кутчысьö зiль удж да кыпыд лов вылын, кыдзи гижлiс поэт, кор сьывсьö, сэки сьылöны, а кор колö — уджалöны. Вайöдiсны сиктлöн кольöм кадся пасйöдъясысь медся тöдчанаяссö: 1931 вося январын котыртчис колхоз; Великöй Отечественнöй война вылö мунiс 139, а бöрсö локтiс сöмын 40 морт; 1956 воын сиктö воис электричество; 1960-1970 воясын уджалiс кирпич вöчан завод; 1963 воын босьтчис уджавны телефона станция; 1998 воын лоис Эжва вомöн пос.
Казьтылiсны медся пыдди пуктана йöзöс. Тайö ас кадö коммунистъяслöн котырöн веськöдлысь М.С.Кочанов, сиктсöветлöн исполкомса юралысь И.М.Лодыгин, сиктса администрацияöн веськöдлысь П.М.Гилев, райсöветса депутат А.А.Зезегова, совхозлöн юкöнса уджалысьяс И.Б.Зезегов, Ю.Б.Лодыгин, А.В., А.Д. да М.В.Кочановъяс, садса челядьлы пусьысь Н.А.Чаланова, киномеханик А.В.Зезегова, фельдшер В.И.Лодыгина, велöдысь Н.Н.Зезегова да уна мукöд йöз.
Пасйисны öтлаын 65 во олöмсö шань гозъя А.А. да М.Е.Лодыгинъяслысь, кодъяслысь вит во сайын бриллианта кöлысьсö пасйылiсны районса администрацияын. Колö пасйыны, мый Мария Егоровна нэмсö вöлi киподтуяöн, мичаа кысис да вурсис, и сылысь нимсö шуисны медся киподтуя йöз лыдын, кыдзи и Н.А. да А.В.Кочановъяслысь, В.А.Холоповалысь, Р.А.Сенькиналысь, З.А.Турьевалысь.
Сиктын медся олöма мортыс 92 арöса Зинаида Григорьевна Даутова. Олö öтнас, а век на видзö кöзаöс, вöдитö град йöр, весь некор эз овлы.
Нимöдiсны уна челядя семьяясöс. Колö шуны, мый куимсё дас морта сиктын челядьыс вель уна — школаын да садйын 80. Найö чужöны пыр унджыкöн. Бöръяыс майся. Тайö висьталö дзик öтитор йылысь: аскиа луныс сиктлöн эм.
Буретш асланыс садса да школаса челядь и гажöдiсны медся ёна. Сьыв-ны да йöктыны медсясö велöдöны сиктса культура керкаын. Накöд уджа-лö ачыс веськöдлысь А.В.Кочанова. Воас кад, и найö локтасны верстьöлöн «Йöлöга» котырö, кодi и лоис кызвыннас ыджыд гажсö котыртысьöн. Сiдзжö ёна отсасисны В.Ю.Щелчков, А.Н. да Е.А.Турьевъяс, томъяслöн да олöма йöзлöн котыръяс.
Кыдзи висьталiс сиктса юралысь, сьöмöн отсалiсны республикаса Госсöвет, районса администрация, национальнöй туйвизь кузя республикаса министерство, Ку-лöмдiн сельполöн правлениеса юралысь З.Г.Сухолуцкая, Кулöмдiн ПМК-са начальник В.М.Тарабукин, асшöр уджалысьяс В.М.Напалков да И.Л.Зезегов.
Ассьыныс гажъяс öнi котыртöны уналаын. Пасъя сiйöс, мыйöн торъялö Носимса «Троича», кыдз асьныс гижöмаöсь, — мулöн, валöн да пулöн гаж. Медводз-кö, корсьысьöмöн. 1991 воын босьтчöмсянь нуöдöны коймöдлаын нин, корсьöны медбур места. Подулалöмöн, мый комилöн олöмыс торйöдны позьтöма йитчöма вöркöд да вакöд, ме вöзйи лэччыны сиктсайса му вылысь асланыс ю дорö да, сьылöм-йöктöмысь кындзи, нуöдны унапöлöс ордйысьöмъяс: ытшкыны гöрбуш косаöн, тшупсьыны, кыйны чери, варччыны, лыйсьыны пасö, котравны вöвъясöн да с.в. Дерт, ковмас ёнакодь уджавны, но öд и быд во сьылöм-йöктöм кежысь кольччыны оз позь. Тавося корсьöмторъяс лыдын вöлiны сиктлысь нимсö ворсöм пыр гöгöрвоöдöм, медся ёна паськалöм овъяслöн артманногöн тöдмöдöм.
Тавося бурторъяс йылысь нöшта пасъя, мый котыртлiсны томъяслысь котралöмъяс, мукöд воясын серти ёна гажöдiсны асьныс (локтысь котыръяслы лэдзисны петкöдчыны сöмын кык сьыланкывйöн). Вöлiны киподтуя йöзлöн унапöлöс вöчöмторъяс, снимокъяса гижöдъяс серти паськыда позис тöдмасьны сиктлöн воддза кадся олöм-вылöмöн. Быть пасъя, мый сиктысь асьныс волiсны унаöн да эз пукавны кын мыръяс моз, а тшöтш жö петалiсны йöз водзö да висьтасисны, кыпыд сьыланкывъяс улö йöктыштiсны. Тайö вöлi збыльысь асланыс, кыдз ми шулам, йöзкостса гаж, а эз индöд серти нуöдöмтор. Сыысь кылiс носимсаяслöн асланыс ловныс да сьöлöмныс. Со и петiс тай, эз вермы кутчысьны да, бöръяпомыс Василий Кочанов баянöн да сьылiс «Троичалы» коркö нин лöсьöдлöмсö, кывкöрталöмсö:
Мед жö ыджыд гажыс тайö
Содас-ойдас ытва моз.
Носим весьтын колипкайыс
Мед оз некор ланьтлы, оз.
Ыджыд бурöн вöлi сiйö, мый нимöдöм став йöзлы, бур кывъясысь кындзи, мыйкö да вичмöдiсны: аттьöалан гижöдъяс, сикт йылысь пасйöдъ-яс, морöсвывса пасъяс, козинъяс.
Колис сöмын пасйыны, мый вöлi тыра пызан. Юква да уна мукöдтор дасьтiсны Н.А. да Т.А.Гилевъяс, А.Н. да И.Г.Зезеговъяс.
Василий ЛОДЫГИН.
Читать далее

Впервые в центре города, не выезжая в лес, жители и гости Сыктывкара смогут увидеть современную заготовку древесины

Чемпионат России среди вальщиков леса стартует завтра, 24 июня, в столице Республики Коми – городе Сыктывкаре. К мероприятию полностью подготовлены две площадки — на Стефановской площади и запасном поле республиканского стадиона.

«Впервые в центре города, не выезжая в лес, жители и гости столицы смогут увидеть современную заготовку древесины с помощью харвестеров и форвардеров. Харвестеры будут осуществлять валку деревьев, форвардеры – погрузку-разгрузку бревен», — рассказал первый заместитель министра промышленности, транспорта и энергетики Республики Коми Александр Гибеж.

Читать далее

Pozhary-01

Большинство травм дети получают дома; многих из них можно избежать.

Ожоги
Ожоги, включая ожоги паром, — наиболее распространенные травмы у детей. Сильные ожоги оставляют шрамы, а иногда могут привести к смертельному исходу.
Ожогов можно избежать, если:
держать детей подальше от горячей плиты, пищи и утюга;
устанавливать плиты достаточно высоко или откручивать ручки конфорок, чтобы дети не могли до них достать;
держать детей подальше от открытого огня, пламени свечи, костров, взрывов петард;
прятать от детей легковоспламеняющиеся жидкости, такие, как бензин, керосин, а также спички, свечи, зажигалки, бенгальские огни, петарды.
МЗ РК.
Читать далее

Какой регион самый читающий?

Стартует Всероссийский конкурс «Самый читающий регион» среди субъектов федерации на звание «Литературный флагман России», призванный оценить и поощрить вклад регионов в развитие литературы в культурном пространстве страны, их усилия по повышению доступности чтения для наших граждан.
Читать далее

Свежий выпуск: 28 марта

Осторожно — мошенники!