— Сыктывкарсянь Кулöмдiнöдз воим велосипедъясöн öкмыс часöн да джынйöн. Быд 20-30 километр бöрын 5-7 минут шойччыштлiм. Вöлi зэв кос лун да нопйö босьтлiм уна ва. Мекöд локтiс Великöй Устюгысь тöдса ныв, миян университетын жö велöдчысь Мария, кодi, кыдзи и ме, радейтö туриставны, — висьталiс июль 13 лунö кузь туй вуджысь Скöрöдумса зон Алексей Пашнин, кодi таво гöрд дипломöн помалiс Сыктывкарса госуниверситетса стöч наукаяс да юöръяс сетан технологияяс кузя институтлысь радиофизика да электроника кафедра. Районлöн чужан лунö сi-йö котöртiс 5,6 километр да астшöтшъяяс пöвстын лоис мöдöн. Мария лэччис юркарö, а Алексей велосипедöн тöвзис Скöрöдумö, кöнi сiйö виччысисны Ольга Геннадьевна мамыс да Люция чойыс. Алексейлöн туристалöм да лыжиöн котралöм кузя медводдза разряд. Мукöд спортсикасын мöдöд да коймöд. Школаын велöдчигöн ворсiс футболысь, теннисысь, котралiс лыжиöн, петкöдчис «Зарница» да «Орлёнок» ворсöмъясын. 10-11 классъясын ёна туристалiс. Петкöдчис быд ордйысьöмын, велöдчис сöмын «5» вылö.
Школаын велöдчигöн кокниа сетчисны математика да физика. Зонка пыр вермылiс олимпиадаясын. Велöдысь Раиса Ивановна Уляшева кöкъямысöд классын казялiс Алексейлысь корсьысьöмсö да чуйдiс велöдчыны физика да математика пыдiсянь велöдан Москваса «Авангард» школаын. Сэтысь ыстiсны велöдчан книгаяс, гортса уджъяс, сэтшöмъясöс, кодъясöс эз велöдны школаса программа серти. Вöлi сьöкыд, но эз эновтчы. Скöрöдумын Раиса Ивановна кындзи отсасис Валентина Степановна Конина, а Помöсдiнса школаын Раиса Александровна Уляшева. Сэки нин Алексей мöвпалiс, мый водзö велöдчöм йитас стöч наукаяскöд. 11 классын велöдчигöн школаö волiс Помöсдiнын чужлöм морт — Сыктывкарса университетысь радиофизика да электроника кафедраын велöдысь Анатолий Михайлович Уляшев, висьталiс-тöдмöдiс велöдчанiнлöн уджöн, юöртiс, мый кафедраöн веськöдлö миян районса Дiасёръяысь Леонид Нафанаилович Котов. Аддзысьлöм бöрын и бöрйис тайö велöдчанiнсö. Велöдчис пыр бура да ёртасис спорткöд. Таво помалiс бакалавриат, пырас магистратураö. Помалöм бöрын вермас велöдны либö лоны учёнöйöн, уджавны электросетьясын, радиостанцияс вылын, кöнi ставыс йитчöма компьютеръяскöд.
Рöдвужыслы отсалiс пуктыны турун. Вотчö, кыйö чери, мöвпалö ветлыны Кадамö. Арнас выль вынъясöн босьтчас велöдчыны водзö.
Марина ДАДАШОВА.
Гижысьлöн снимок вылын: Алексей юркарысь воöм бöрын.
Читать далее →

Редакцияö шыöдчис Кулöмдiнысь Елена Григорьевна Мишарина, кöсйис тöдны, кор Кулöмдiнын кутас петкöдлыны цифрöвöй телевидениелöн кызьнан каналыс.
Вочавидзис Кулöмдiнса телецентрöн веськöдлысьöс вежысь Александр Дмитриевич НЕСТЕРОВ:
— Цифрöвöй телевидение Кулöмдiнын уджалö 2014 вося июльсянь. Петкöдлö 10 телеканал да кылö 3 радио. Важпöлöс

Читать далее →

Ва воссьöмсянь районын вöйис сизим морт.
Кыкöн вöйисны Кулöмдiнын, öтиöн Немдiнын, Улыс Вочын, Помöсдiнын, Великопольеын да Габовын. Кыкöн вöйисны уялiгöн да витöн ва вывсянь кыйсигöн.

Майсянь талунöдз ичöт суднояслöн районса юкöн эрдöдiс ва вылын 53 торкалöм.
48-öн вöлiны жилеттöмöсь, öти ветлöдлiс регистрируйттöм пыжöн, нёльлöн эз вöв аскöдныс судöвöй билет, пыжöн веськöдлан право.

Кулöмдiнысь Артур Карманов пырис велöдчыны связьлöн Краснодарса военнöй академияö.
Пыран экзаменъяс вылын 100 баллысь босьтiс 92-öс. Пасъям, мый Артурысь кындзи бöрйис военнöй велöдчанiнъяс тайö школасö нöшта сизим помалысь. Экзаменъяс бöрын кывкöртöд виччысьöны Ручысь, Аныбысь, Вочысь, Дереваннöйысь, Югыдъягысь зонъяс. Военкоматö шыöдчисны

Читать далее →