admin

2 августа 1572 года русские войска под предводительством князей Михаила Воротынского и Дмитрия Хворостинина разбили татарское войско (битва при Молодях).

 

В целях обеспечения пожарной безопасности на территории Республики Коми с 23 июля 2016 года введено ограничение пребывания граждан в лесах

Ограничение действует до 7 августа 2016 года.
Прямая линия лесной охраны 8-800-100-94-00.

http://mpr.rkomi.ru/left/newsanons/news/42519/

НЕТ НАРКОТИКАМ!

 

 

зож наркотики

Читать далее

Уджалiсны и шойччисны

Кулöмдiнса шöр школаысь велöдчысьяслöн «Тöждысьысь сьöлöмъяс» уджалан котыр быд во некымынысь весалö Эжва берег дор.
Петавлiсны и таво. Ю бокысь чукöртiсны лöп-ёгсö уна дас ыджыд мешöкö. Видзöдöм серти, сöстöммöдчыны ковмас на петавлыны, öд гожöмыс жар, ю бокын шойччöны унаöн, и унаöн жö кольöны ас бöрсяныс лöп-ёг.
Кулöмдiнса шöр школаысь велöдчысьяслöн «Тöждысьысь сьöлöмъяс» котыр уджалöм кындзи нимкодясис чужан мулöн мичлунöн. Нывкаяс да зонкаяс ветлiсны Тиманö, видзöдлiсны из перъянiн, инмöдчылiсны уна нэмъяс сайын артмöм- торъяс дiнö. Чöсмасисны озйöн, а сэсся пажнайтiсны бипур вылын пуöм сёянöн.
Велöдчысьяс эз кольны бокö и чужан сиктлысь гаж. Найö дасьтiсны Кулöмдiнлöн важся олöм, öнiя кад, шедöдöмторъяс йылысь буклет. Районлысь чужан лун пасйигöн петалiсны юрсиктлöн уличаяс вылö да разöдiсны гижöда петассö кулöмдiнсаяслы да волысьяслы.
Гижöд да снимок Лариса ЗЕЗЕГОВАЛÖН.
Кулöмдiн.
Читать далее

Татшöмыс Алексей Пашнин

— Сыктывкарсянь Кулöмдiнöдз воим велосипедъясöн öкмыс часöн да джынйöн. Быд 20-30 километр бöрын 5-7 минут шойччыштлiм. Вöлi зэв кос лун да нопйö босьтлiм уна ва. Мекöд локтiс Великöй Устюгысь тöдса ныв, миян университетын жö велöдчысь Мария, кодi, кыдзи и ме, радейтö туриставны, — висьталiс июль 13 лунö кузь туй вуджысь Скöрöдумса зон Алексей Пашнин, кодi таво гöрд дипломöн помалiс Сыктывкарса госуниверситетса стöч наукаяс да юöръяс сетан технологияяс кузя институтлысь радиофизика да электроника кафедра. Районлöн чужан лунö сi-йö котöртiс 5,6 километр да астшöтшъяяс пöвстын лоис мöдöн. Мария лэччис юркарö, а Алексей велосипедöн тöвзис Скöрöдумö, кöнi сiйö виччысисны Ольга Геннадьевна мамыс да Люция чойыс. Алексейлöн туристалöм да лыжиöн котралöм кузя медводдза разряд. Мукöд спортсикасын мöдöд да коймöд. Школаын велöдчигöн ворсiс футболысь, теннисысь, котралiс лыжиöн, петкöдчис «Зарница» да «Орлёнок» ворсöмъясын. 10-11 классъясын ёна туристалiс. Петкöдчис быд ордйысьöмын, велöдчис сöмын «5» вылö.
Школаын велöдчигöн кокниа сетчисны математика да физика. Зонка пыр вермылiс олимпиадаясын. Велöдысь Раиса Ивановна Уляшева кöкъямысöд классын казялiс Алексейлысь корсьысьöмсö да чуйдiс велöдчыны физика да математика пыдiсянь велöдан Москваса «Авангард» школаын. Сэтысь ыстiсны велöдчан книгаяс, гортса уджъяс, сэтшöмъясöс, кодъясöс эз велöдны школаса программа серти. Вöлi сьöкыд, но эз эновтчы. Скöрöдумын Раиса Ивановна кындзи отсасис Валентина Степановна Конина, а Помöсдiнса школаын Раиса Александровна Уляшева. Сэки нин Алексей мöвпалiс, мый водзö велöдчöм йитас стöч наукаяскöд. 11 классын велöдчигöн школаö волiс Помöсдiнын чужлöм морт — Сыктывкарса университетысь радиофизика да электроника кафедраын велöдысь Анатолий Михайлович Уляшев, висьталiс-тöдмöдiс велöдчанiнлöн уджöн, юöртiс, мый кафедраöн веськöдлö миян районса Дiасёръяысь Леонид Нафанаилович Котов. Аддзысьлöм бöрын и бöрйис тайö велöдчанiнсö. Велöдчис пыр бура да ёртасис спорткöд. Таво помалiс бакалавриат, пырас магистратураö. Помалöм бöрын вермас велöдны либö лоны учёнöйöн, уджавны электросетьясын, радиостанцияс вылын, кöнi ставыс йитчöма компьютеръяскöд.
Рöдвужыслы отсалiс пуктыны турун. Вотчö, кыйö чери, мöвпалö ветлыны Кадамö. Арнас выль вынъясöн босьтчас велöдчыны водзö.
Марина ДАДАШОВА.
Гижысьлöн снимок вылын: Алексей юркарысь воöм бöрын.
Читать далее

Свежий выпуск: 28 марта

Осторожно — мошенники!