Таво Ульяна Печеницына помалiс Немдiнса школа да пырис велöдчыны Сыктывкарса университетлöн биология да география кафедра вылö.
Велöдчис пыр бура, вермылiс олимпиадаясын. Водзмöстчис школаса да сиктса олöмын. 10-öд классын дзоньвидза олöмö кутчысьöм кузя баласö ыстылiс ставроссияса конкурс вылö да лоис медся бурöн. Тайö жö туйвизь кузя аскоддьöмъяскöд лöсьöдöм балаöн таво петкöдчис Ичöт Аныбын, кытчö чукöртчылiсны районса том йöз.
— Колö, мед быд дзоля сиктын, быд йöрын вöлiны ёнмöдчанiнъяс, ворсанiнъяс, бурö ышöдысьяс да велöдысьяс. Петны некытчö, и челядь да томулов пукалöны компьютер сайын, босьтчöны видлавны курыд зелльö, дурмöдчанторъяс, куритöны. Дзоньвидза оласногö кутчысьöм сайын аскиа бур лун. Ми кö бöръям дзоньвидза оласног, спорткöд ёртсасьöм, тайöс бöръясны и челядь, — висьталiс Ульяна. Колö чайтны, мый юркарын велöдчигöн лоас татшöм жö водзмöстчысьöн.
Гижöд да снимок Марина ДАДАШОВАЛÖН.

Читать далее →

Январсянь талунöдз чери кыйöм кузя федерацияса агентстволöн Двинско-Печорскöй управлениеысь Кулöмдiн участокса инспектор эрдöдiс 33 торкалöм.
Лöсьöдiс 33 протокол, кодъяс пиысь 28 йитчöма позьтöминысь да позьтöмторъясöн кыйсьöмкöд. Мырддис 19 килограмм кыйöмтор, 23 кулöм да спиннинг. 5 торкалöм йитчöма ва да сыкöд

Читать далее →

Ыджыдалысь тöвныр да чардби вайисны содтöд удж «Ростелеком» филиаллöн Кулöмдiнса юкöнлы.
Связьса уджалысьяс лöсьöдiсны торкöминъяс Пожöг вожын, Вöльдiнын, Немдiнын, Мысын, Улыс Вочын. Бöръяас лёксö вöчис гöгрöс чардби.

Август 2-öд лунö Пожöг пасйис чужан лунсяньыс 365 во тырöм.
Чолöмалiсны сиктсаясöс райадминистрацияöн веськöдлысьöс вежысь Н.А.Левченко, «Пожöг» администрацияöн веськöдлысь Н.А.Шахова да мукöдъяс. Ворсiсны футболысь, котралiсны, медводдзаысь ордйысисны мотоблокъясöн М.И. Попов, Е.А.Игнатов да Н.А.Ладанов. Чöсмасисны юкваöн, тшынöдöм яйöн да пöжасöн. Гажöдчисны да йöктiсны сёр рытöдз.

Ручын сувтöдiсны 50 кубометраа ва видзанiн.
Тшуписны ас сиктсаяс, техникаöн отсалiс Кебанъёльса асшöр уджалысь. Эжантор ньöбисны Кировысь. Сьöмöн отсалiс районса администрация. Талун кежлö сиктын 7 ва видзанiн. Локтан воын вöчасны кыкöс.