Аски — вузасян, йöзöс могмöдан юкöнъясын да жилищно-коммунальнöй овмöсын уджалысьяслöн лун

[ A+ ] /[ A- ]

Сергей Игоревич Сенькин велöдчылiс Сыктывкарса видз-му овмöс техникумын техник-механикö, но босьтöм специальносьт серти удж эз ло, сы вöсна мый видз-му овмöс предприятиеяс тупкысисны. Пырис жилищно-коммунальнöй овмöсö, öнi «Коми тепловая компаниялöн» Кулöмдiнса юкöнын, 2006 восянь мастер. Видзöдö, медым лючки уджалiс витöд номера ПМК бердса ломтысянiн, тыр-бура воис шоныд предприятиеясö да уна патераа керкаясö. Ломтысисны из шомöн, а бöръя кадас брикетöн. Сергей Игоревичлöн висьталöм серти, брикетыс мунö пöшти из шом мында жö, суткиöн 2,8-3 тонна, и шоныдсö сетö сы мында жö.
С.И.Сенькинлöн котырын кöкъямыс машинист да кык слесар. Ставныс кывкутысь йöз, бур специалистъяс.
Сергей Игоревич удж кузя праздниксö пасъяс дас кöкъямысöдысь, бура уджалöмсьыс сылы вичмисны районса юралысьсянь почёт грамота да аслас котырсянь аттьöалан гижöд.
Гижöд да снимок
Галина НЕСТЕРОВАЛÖН.на 15 марта

Комментарии:

Добавить комментарий

Свежий выпуск: 28 марта

Осторожно — мошенники!