«Коми теплöвöй компаниялöн» Кулöмдiнса юкöнысь оператор Дмитрий Владимирович Полиевский мунiс бать-мамыслöн кок туйöд. Челядьдырйи тшöкыда пыравлiс Владимир Владимирович батьыслöн удж вылö, видзöдiс, кыдзи сiйö пöртйö чуткö би, кыдзи кутö колана температура шоныд мунан трубаясын да с.в. Армия бöрын дыр эз мöвпав, кор вöзйисны уджавны Кулöмдiнса шöр котельнöйын. Батьыс, кодi сiйö кадас операторалiс, петiс слесарö. Сы местаö босьтiсны писö. Мöдöдлiсны и велöдчыны.
— Уджыс зэв кывкутана. Шоныд сетам юрсиктса предприятиеясö-организацияясö, уна патераа керкаясö. Ёна кöдзыд дырйи уджöдам вит пöртйöдз. Ывласа температура серти и ломтам. Йöзсянь элясьöмъяс абуöсь. Гожöмын став котырöн дасьтысям тöв кежлö. Сэки медся пöсь кад. Бура дзоньталам, бура и тöвъям, — висьталiс Дмитрий Владимирович, кодi операторалö 9 во да кодлысь бур уджсö пасйылiсны почёт грамотаясöн.
25 во жö коммунальнöй овмöсын Валентина Васильевна мамыс. Öнi сiйö йöзкöд удж кузя специалист. Прöст кадö Д.В.Полиевский радейтö кыйсьыны да вöравны.