Кулöмдiнса том предприниматель Алексей Иванович Зезеговлöн дась 50 кубометр шлакоблок. Мöд та мында иналiс нин район пасьта. Босьтöны керка, пывсян, гараж кыпöдысьяс.
-Кольöм воын райадминистрацияын велöдчи «Шöр да ичöт бизнесöн веськöдлöм» программа серти. Асшöр уджö босьтчи кольöм вося декабрын. Кировысь ньöби кык оборудование. Уджалан жыр да йöр кöртымала Кулöмдiнса ПМК-лысь. «Коми тепловая компаниялöн» Кулöмдiнса юкöнкöд вöчи сёрнитчöм да районса ломтысянiнъясысь ваялi из шом коляс. Цемент ваяла юркарысь. 65 шлакоблок, а тайö öти кубометр, артмö öти часöн. Ёна отсалö Иван Леонидович батьöй, — висьталiс А.И.Зезегов.
Öнi том морт корсьö му юкöн, мед паськöдчыны. Кöсйö босьтны уджалысьясöс, вöчавны кöрт да бетон сора кытшъяс, уличьяс мичмöдöм вылö брусчатка. Район сöвмö, кыпалöны керкаяс. Öнiя кадö Алексей Ивановичлöн вöчöмторъяс зэв коланаöсь.