Кытчöдз пыдди пуктасны геройясöс да кыпаласны налöн повтöмлунöн, сэтчöдз лоас ёнöн Россия.
Миян страналöн медся ыджыд Победалöн лунö ичöтик вöрса Лопъювад посёлокын мунiс «Казьтылöй!» гаж.
Сьылысь-ворсысьяслöн «Берегиня» котыр сяммис зэв бура петкöдлыны, кутшöм ыджыд дой да курыд шог вайис война, да кыдзи ставсö тайöс вермисны венны йöз. Экран вылын сьöрсьöн-бöрсьöн мунiсны 1941-1945 воясся медтöдчана тышъяслöн, кытшö босьтöм Ленинградлöн, челядьöс гуалысь мамъяслöн кино да фотокадръяс.
«Берегиня» котыр да сыöн веськöдлысь дасьтöмаöсь петкöдчöмсö сiдзи, мый видзöдысьяслöн унаысь чепöсйылiс синва. Найö ставсö лэдзисны асланыс сьöлöмъяс пыр. Ворсысьяс пуктiсны петкöдчöмö ассьыныс енби да лов.
Зэв ыджыд аттьö котырлы, мый кужисны вайöдны быд мортöдз, кутшöм немжалиттöмöн лоö война, мый тайöс колö кутны вежöрын ставлы, медым и водзö овны сöстöм, лöнь кельыдлöз енэж улын, мед не кувны тшыгла, мед не гуавны медся матыссаясöс. Аттьö тiянлы восьса сьöлöмöн петкöдчöмысь, тi збыльысь енбиаяс.
Галина ПАНЧЕНКО,
Людмила ДИК.
Лопъювад.
Галина Панченколöн снимок вылын: «Берегиня» котыр.