Апрель öтиöд лунсянь Россияын водительяслы сеталöны выль удостоверениеяс.

[ A+ ] /[ A- ]

Кыдзи вöлi сизим категория, сiдзи и колис, но быд категория дорö содiс подкатегория. Лоис мопедöн веськöдлöм вылö «М» категория, кодöс позьö босьтны дзоньвидзалун йылысь врачьяслöн кывкöртöд серти 16 арöссянь.

«А» категория öнi сетöны 18 арöссянь, а оз 16-сянь. 16 арöссянь сетöны «А»1 подкатегория, мотоцикл двигательлöн кö выныс 11 килловатöдз да ыдждаыс 120 кубическöй сантиметрысь абу унджык. /нi дасьтöны программа, мед велöдны да сетны, водительлысь право 16 арöссянь.
— Нимкодь, мый босьтi водительлысь право. Ачым пукся руль сайö. Велöдчигöн нин миянлы висьталiсны, мый удостоверениеын лоасны вежсьöмъяс. Менам «В» категория да «В»1 подкатегория, код серти позьö новлöдлыны кöкъямыс мортöдз, — сёрнитiс Кебанъёльысь Татьяна Хребет.
— Апрель мöдöд лунö медводдзаысь водительлысь удостоверение босьтiс кöкъямыс морт, кад кольöм бöрын вежисны сизимöн, — пасйис ГИБДД-лöн районса юкöнысь государственнöй инспектор Любовь Захаровна Кун.
Марина ДАДАШОВА.
Снимок вылын: (шуйгавывсянь веськыдвылö) Л.З.Кун да Татьяна Хребет.

DSC07813

Комментарии:

Добавить комментарий

Свежий выпуск: 28 марта

Осторожно — мошенники!