Апрель 29 лунö Аныбса культура керкаын мунiс «Салют, Победа!» ворсöм-вермасьöм, кодöс сиим Победалы.

[ A+ ] /[ A- ]

 Сiйöс нуöдiсны библиотекаса уджалысь В.М.Главатских да культура керкаöн веськöдлысь А.Ю.Панюкова. Вермасисны том йöзлöн «Юность» да уджвывса ветеранъяслöн «Дружба» котыръяс. Донъялысьясöн вöлiны вöвлöм велöдысьяс А.В.Моторина, В.Е.Лобанова, Е.С.Мууева. Ворсысьяс вочавидзисны войналöн тöдчана вöвлöмторъяс да тышъяс, Сöветскöй Союзса Геройяслöн подвигъяс йылысь да уна мукöд юалöм вылö.
Спорт юкöнын ворсысьяс котралiсны нопйöн, лыйлiсны пасö, кöрталiсны «доймöм» ёртъяссö. Олöма йöзлöн котыр бура вочавидзис война йылысь юалöмъяс вылö, томъяс öдйöджык котралiсны. Водзö петiс «Дружба» котыр. Ворсöм бöрын öтлаын юисны чай. Олöмаяс сиисны том йöзлы унджыктор тöдмавны война йылысь, кутны вежöрын, кутшöм ыджыд донöн шедiс Победа.
Валентина ГЛАВАТСКИХ.
Аныб.
Снимок вылын:
«доймöмöс» кöрталöм.


Комментарии:

Добавить комментарий

Свежий выпуск: за 18 октября