Апрель 26 лунö районса администрация водзын Чернобыльын вöвлöмъясöс казьтылан пас дорын чукöртчылiс уна йöз: Чернобыльын атомнöй электростанцияын неминуча бырöдысьяс, налöн рöдвуж, кывкутысь йöз. Найöс вочаалiсны районса администрацияöн веськöдлысь С.В.Рубан, сiйöс вежысь Н.А.Левченко. Найö казьтыштiсны 32 во сайын Чернобыльын лёк лоöмтор йылысь, кодi миян страналы вайис зэв ыджыд шог, кыдзи некымын сюрс морт повтöг, ассьыныс дзоньвидзалунсö да весиг олöмнысö жалиттöг, уськöдчисны бырöдны неминуча. Пöся аттьöалiсны районса айловъясöс, кодъяс эз кольны бокö, пуктiсны ыджыд уджö ассьыныс пай. Чернобыльын вöвлöм геройясöс, кодъяс абу нин ловъяöсь, казьтыштiсны чöв-лöньöн. Сэсся казьтылан пас дорö пуктiсны ловъя дзоридзьяс.
Галина НЕСТЕРОВА.