Югыдъягысь Александр Иосифович Дубицкий бикöд водзсасян службаын 2001 восянь. Босьтчылiс водительöн Югыдъягса постын, кодi пырис Кулöмдiнса часьтö. 2009 воын пост пыдди лоис часьт, кодöн индiсны веськöдлыны сiйöс. Котыртчисны постъяс Белоборскын, Тимшерын да Немдiнын. Пуктiс ыджыд вын, медым налы дасьтыны да кыпöдны керкаяс, корсьны уджалысьясöс да велöдны найöс. Талун Югыдъягса часьт да сы улö пырысь постъяс век дасьöсь водзсасьны бикöд: эм техника, кöм-пась, оборудование, а медшöрыс — ыджыд сяма йöз. Кыдзи шуис Александр Иосифович, часьтын уджалöны сöмын кывкутысь йöз, лун коллялысьясöс оз бсоьтны.
А.И.Дубицкийлы дыр да бура уджалöмысь вичмöдiсны «Учреждениелы вит во» пас, районса да овмöдчöминсаюралысьяссянь аттьöалан гижöдъяс.