Февраль 5 лунö тырис 90 арöс Кулöмдiнысь Агния Степановна Игнатовалы. Районса юралысь Д.А.Шатохин пöся чолöмалiс сiйöс да сетiс Российскöй Федерацияса президент В.В.Путинсянь чолöмалана гижöд. Висьталiсны бурсиана кывъяс да вичмöдiсны козинъяс ветеранъяслöн райсöветса председательöс вежысь П.В.Лодыгина да ветеранъяслöн Кулöмдiнса котырысь В.П.Нестеренко.
Кöрткерöс районса Лопыдiнын чужлöм аньöс ичöтсянь сконйыштiс олöмыс: вит арöссянь колис батьтöг-мамтöг, быдмис челядь керкаын. Но велöдчис, сувтiс ас кок йылö. Уджавны мöдöдiсны Кулöмдiнö. 35 во зiлис райфинотделын старшöй экономистöн. Унаысь пасйылiсны бур уджысь.
Гöсьтъяс да матыссаяс сиисны Агния Степановналы ён дзоньвидзалун да овны сё да унджык арöсöдз на.