[ A+ ] /[ A- ]

КОЛO ОТСOГ

Районса администрация ёна ышoдo йoзoс петны бизнес туй вылo. Велoдo, отсалo, «пыртo» грантъяс улo. Районса юралысь Д.А.Шатохин да сылoн котырыс бура гoгoрвоoны: мед чинтыны уджтoмалысьяслысь лыд, медводз колo сoвмoдны ичoт бизнес. Зэв сьoкыд мог. Медводз вежoр боксянь: тoдтoм «юo» быдoн оз чеччышт. Полo. Родo. Унджыкыс велалiсны овны да уджавны государстволoн сойборд улын. Но эмoсь сюсь, асшoр вежoра том да верстьo йoз, кодъяс оз повны сьoкыдлунъясысь, дасьoсь ас бoрся кыскыны мукoдoс, восьт-ны уджалан местаяс. Буретш налы и колo отсавны, повтoмъясoс ышoд-ны. Тайoс и зiльoны вoчны районын.

Но кыдзи и пыр, быдлаын эмoсь мытшoдъяс. Июль 9 лунo Помoсдiнса администрацияын чукoртчылiсны вoркoд йитчoм ичoт бизнесын уджа-лысьяс. Помoсдiнсаясысь oтдор, волiсны тшoтш Ярашъюысь да Пожoгысь. Вoлi районса юралысьoс медводдза вежысь Е.А.Стяжкина. Сёрнитiсны унатор йылысь. Медшoр падмoгoн лоo сiйo, мый оз сетны пoрoдoм могысь вoр, кoть сiйo эм да кызвыннас «Монди» да «Центрвуд-ком» киын. Найo закон серти кoзяинъяс, кoсъясны кo, сетасны субарендаo, а оз кo — и оз. И то бокoвoйлы, а оз районсалы. Но тайo некыдз оз лoсяв районлы. Медводз вoрсo колo сетны районса котыръяслы, сiйo жo ичoт бизнесыслы. Но оз баланс кыскалысьяслы, а пиломатериал вoчысьяслы. Налoн удж синъяс улын, районлы вичмo налогoн сьoм, могмoдсьoны уджoн йoз.

Падмoдo вoрса ичoт бизнесын бергoдчысьясoс и сiйo, мый абуoсь вoр кыскан туйяс. Ас вынъясoн вoчны оз вермыны, а отсoг абу. Бур эськo вoлi, отсалiс кo республика.

Нoшта «юр висьoм» — производство улo места корсьoм. Кoсъян восьтны пилорама, но некытчo. А.М.Холопов важoн нин кoсйo сувтoдны пилорама Скoрoдум да Кыр-ныша костын асфальт вoчан вoвлoм завод местаo, но некыдз оз артмы. Местаыс туй вoчысьяслoн кoртымын, тшoктoны вештыны ыджыд дон, кoть важoн нин оз уджавны.

— Ог гoгoрво, мыйла тадз вoчoны, — шуис Помoсдiнса администрацияoн веськoдлысь А.И Ужицкий.

— Веськыда шуам: меставывса власьтлoн могыс — корсьны петан туйяс, oд майшасьoны оз сoмын «вoрсаяс». Помoсдiнысь В.И.Карманов кoть талун дась котыртны пеноблок вoчoм, но места некыдз оз сюр. Та кузя шуасьoны и мукoд.

— Талун бизнес восьт-oм — абу юр висьoм. А вот водзo уджавны… неуна мoдтор нин. Кор кутан вештыны налогъяс, балябoжтo унаысь гыжйыштан — «шензьoдoны» налогъяс, — висьталiс «Таксатор» котырoн веськoдлысь А.Е. Цывунин.

Кывкoртны кo, ас вылo уджалысьяс, босьтчысьяс и дыр нин уджалысьяс кoсйoны, мед на йылысь эз вунoдны, сетiсны быд тшупoдын отсoг. Сoмын сэки воссясны уджалан местаяс, лоo унджык прoдукция, а сiдзкo, и сьoм да удждон.

Александр ШЕБЫРЕВ.

i

Комментарии:

Комментарии запрещены.

Свежий выпуск: 28 марта

Осторожно — мошенники!