[ A+ ] /[ A- ]

Кусöдчысь парашютист Юрий Игоревич Попов кöкъямыс во нин уджалö вöр видзан авиаотделениеын. Чеччыштлìс сёысь унджыкысь. Гожöм кежлö дасьтысьö водз тулыссянь. Лым да чарöм вылö чеччалö Сыктывкар дорын, Кöччойягын либö Кöрткерöсын. Сìйö пыр дась, медым кöть кор пуксьыны самолётö, лэбзьыны öзйöминö.

— Вöр сотчö оз сöмын мортлöн идöртöмлунысь, но и гым-чардысь. Спутник пыр тыдалö вöръясын быд öзйöм-ыпнитöм. Миян сьöрысь пыр рация да спутник пыр йитчан сотöвöй телефон. Пуксям да пыр жö юöртам телефон пыр. Кыдзи чери ваын, сìдзи жö ми асьнымöс кылам сынöдын, — висьталìс Юрий Игоревич.

Парашютистöн лоны быдöн оз вермы. Колö, мед вöлì ён дзоньвидзалун, кужин корсьны петан туй быд лоöмтор дырйи, ёртасин спорткöд. Юрий Игоревичлöн некымын специальносьт: сìйö и тракторист, и пач тэчысь, и плöтник. Но сьöлöм сертиыс — парашютöн чеччалöм. Мед жö сылöн быд чеччыштìгöн пыр воссис парашют.

Гижöд да снимок

Марина ДАДАШОВАЛÖН.

Комментарии:

Комментарии запрещены.

Свежий выпуск: 15 марта

https://www.gosuslugi.ru/help/faq/mobile_election/2100910

Осторожно — мошенники!