Российскöй Федерацияса президент В.В.Путин аттьöалö найöс, кодъяслы тырис 90 да 95 арöс, кодъяс пуктìсны тöдчана пай Россия сöвмöдöмö. Районысь медводз нимöдìс Кужйысь Марфида Николаевна Юшковаöс, кодì сиктын меддыр олысьяс пиысь öти. Сылы 90 арöс, но асьсö кылö бура. М.Н.Юшкова 37 во велöдìс школаын, сетìс джуджыд тöдöмлунъяс, ышöдìс сöмын бурö. Сиктын зэв пыдди пуктана морт.

Июль 20-öд лунö М.Н.Юшковалы гортöдзыс волöмöн сетìсны президентлысь аттьöалöм районса юралысь Д.А.Шатохин, райсöветса председатель А.Н.Кондрашкин, Коми республикаын медшöр федеральнöй инспекторлöн сöветник В.В.Уляшев, Кужса юралысь И.П.Липин да ветеранъяслöн райсöветса председатель Г.А.Кравченко. Найö аттьöалìсны уджвывса ветеранöс олöмын ыджыд лоöмторйöн, сиисны ён дзоньвидзалун да вичмöдìсны дзоридзьяс да козинъяс.

Гижöд да снимок

Николай ЛЮТОЕВЛÖН.