Немдiнын кыпыда нимöдiсны Василиса Фёдоровна Габовалысь 90 арöс тырöм. Чукöртчылiсны клублöн ичöтик жырйын. Районса администрацияöн веськöдлысьöс вежысь Н.А.Левченко чолöмалiс да сетiс Российскöй Федерацияса президент В.В.Путинсянь чолöмалана гижöд. Пöсь кывъяс висьталiсны да сетiсны козинъяс Немдiнса юралысь А.В.Пименов, ветеранъяслöн райсöветса председательöс вежысь П.В.Лодыгина, ветеранъяслöн котырöн веськöдлысь Н.Е.Тимушева, матыссаяс да тöдсаяс.
Олöма ань вуджис сьöкыд олöм: ичöтсянь тöдлiс удж, семьясö кулакалöм, война кадö мырсьöм. Уна во уджалiс «Молния» колхозын, сэсся «Усть-Куломскöй» совхозын лысьтысьысьöн, мыйысь вичмöдiсны «За доблестный труд в годы Великой Отечественной войны 1941-1945 гг.», юбилейнöй да «Уджвывса ветеран» медальяс, ошкана грамотаяс. Быдтiс да велöдiс куим ныв-пиöс, öнi дiнас бергалöны нёль внук да вит правнук-правнучка. Горт гöгöрыс бергöдö вермана удж: ытшкö, вöдитö градвыв пуктасъяс, ачыс на тэчö пес чипас. Уджыс пö и пыкö олöмсö.
Ставöн сиисны Василиса Фёдоровналы ён дзоньвидзалун да овны сё да унджык арöсöдз на.