Дереваннöйын «Йöзкостса бюджет» бала отсöгöн буретш велöдысьяслöн лунö помалiсны вöчны аслыссяма Паметьлысь аллея.

Во заводитчигöн районын олiс торъя категорияа 132 олöма морт, на пиысь 4 войнаса участник, öти Ленинградын блокада вуджысь, 117 тылса уджалысь, войнаса ветеранлöн семьяысь 10 морт. Победасян 75 во пасъян уджтасъяслöн план серти районса администрация сиктса администрацияяскöд да ветеранъялöн сöветъясын зiльысьяскöд öтув бöрйылiсны 46 олöмаöс, кодъяслы медъёна колiс дзоньтавны оланiнсö.

Сентябрь тöлысь чöж республикаын мунiс 2020-öд воын челядьлысь шойччöм да ёнмöдчöм котыртан медбур программаяслöн вермасьöм. Петкöдчыны позис куим сикасын: «Ёнмöдчан да шойччан стационарнöй организация», «Лунся лагер», «Уджалан да шойччан лагер».

Кулöмдiнса шöр школаын велöдчысьяс урокъяс бöрын öнi оз тэрмасьны гортаныс, «пысасьлöны» на школа йöрын сувтöдöм тренажёръясö. Скалодром, турникъяс, лабиринт да мукöдторъяс сулалöны школалöн öшинь улын, а керка сайын — футболысь ворсанiн. Позьö ворсны и теннисысь.