Пыдди пуктана лыддьысьысь!
Коми Республикалы 100 во тыригкежлö восьтам выль рубрика. Вöзъям видзöдлыны важ карточкаяс. Снимок вывсьыс кö тöдiнныд мортöс, кадсö, инсö, вöвлöмторсö, корам гижны та йылысь редакцияö. Гижöдъяснытö йöзöдам газетын, сайт вылын да «ВКонтакте» группаын.

Война вайис шог матö быд керкаö, быд семьяö. Кадысь водз верстяммисны батьтöг кольöм челядь. Татшöм жö олан туй вуджис Нина Васильевна Щелчкова. Чужис Яков грездын 1934-ö вося декабр 28-öд лунö. Василий Александрович Лодыгин батьыс уджавлiс лесхозын. 1941-öд вося август кöкъямысöд лунö удж кузяыс лэччис Кулöмдiнö да гортас сэсся эз и волы. Сэнi и босьтiсны война вылö. Мамыслöн сойборд улö колисны квайт чоя-вока, Нина вöлi коймöдöн. Ёна отсасисны бергöдны овмöс, öд карта тыр скöт, мамыс нöшта кыйсис на. Батьсяньыс волiс письмö, корлiс фронт вылö носки-кепысь. Ыжъястö видзлiсны, да вурун вöлi. Кыисны да ыстiсны. Батьыс вöрöгкöд тышын ёна доймавлiс, куйлiс госпитальын. Чайтiс, мый лэдзасны гортас, но бара мöдöдiсны фронт вылö. Бöръя письмöас гижлiс, мый кер чукöр моз кулöмаясыс кывтöны ю кузя.

По официальной информации Управления Роспотребнадзора по Республике Коми, на сегодняшний день (22 апреля) лабораторно подтверждено 527 (+20) случаев заболевания COVID-19. Все инфицированные находятся под наблюдением врачей, им оказывается помощь.