Архив за день: 07.10.2019

Миян йöз

Кулöмдiнысь Георгий Алексеевич Ракин во уджалö Зимстанса школаын информатика велöдысьöн. Школа бöрын кöсйис велöдчыны туризм факультет вылын, но психологкöд сёрнитöм бöрын зон пырис пединститутö технология да предпринимательство факультет вылö. Институт помалöм бöрын Георгий быттьö вошлiс, эз тöд, мый вöчны, полыштiскодь мунны уджавны школаö, мыйла эз вöв опыт. Сэки буретш сылы вöзйисны водзö велöдчыны магистратураын. Бöрйис информационнöй технологияяс факультет да помалiс кык во мысти. Велöдчигкостi ыс ёртыс вöзйис уджыштны челядьлы содтöд тöдöмлунъяс сетан шöринын. Шöринсянь мöдöдлiсны велöдчыны Москваö, кöнi босьтiс сертификат. Магистратура помалöм бöрын гöгöрвоис, мый лоас велöдысьöн. Локтiс чужан районö. Велöдан управлениеын вöзйисны уджавны Зимстанса школаын. Георгий Алексеевичлы тайö вöлi кивыв, сiйö кöсйис велöдны дзоля школаын, мед гöгöрвоны, артмас-ö лоны велöдысьöн. Зонлы окота вöлi мыйкö вежны олöмас — тöдмасьны выль йöзкöд, выль котыркöд, выль челядькöд. Вочаалiсны зэв бура. Школаса директор Г.А.Кичун корсис оланiн. Куим жыръя патера зэв лöсьыд, ставыс эм.

Читать далее

Шöрин пыр – став документъяс

Некымын во сайын Коми республикаын босьтчисны уджавны «Менам документъяс» шöринъяс. Талун татшöмыс Комиын 92, на пиысь сизимыс – Кулöмдін районын. Быд шöрин шöркодя могмöдö матö куим сюрс мортöс. Таво вылö районса олысьяс шыöдчылісны уна сикас дас сюрс сайö юалöмöн. Медся тшöкыда йöз шыöдчöны Кулöмдінса шöринö, коді дзик юрсикт шöрын. Аслас могъясöн шыöдчыліс и Паспомса олысь Полина Буторина.

Читать далее

Рочасьöны ручсаяс

Окота лои пасйыштны Ручса бур йöз йылысь. Руч эськö зэв сюсь звер, а олысьясыс, гашкö, нöшта на сюсьджыкöсь. Сöмын, кыдз и быд сиктын, эм öти тырмытöмтор: омöля кужöны сёрнитны рочнад.

Читать далее

И лои выль пос…

Читать далее

«Чибö рöдтiс да рöдтiс…»

Кöч тöлысь помын, стöчжыка кö, 29-öд лунö, вöлi «Ленин туйöд» («Парма гор») газет редакцияса вöвлöм уджалысь Виталий Васильевич Уляшевлöн чужан лун. Сылы эськö тырис 73 арöс, но во сайын кувсис сьöкыд висьöмöн. Коркö аддзысьлiм юркарын Из эрд (Стефановскöй площадь) вылын да вель дыр сёрнитiм. Удж пом вöлi (уджалiс сэк правительстволöн тöдчана юкöнын), мöдöдчöма гортас Эжваö да, шуис, ог пö тэрмась. Вель дыр нин эгö аддзысьлöй, ёна и варгим. Ньöти эз элясь дзоньвидзалун вылас, вöлi збодер, шмонитiс, кыдзи и пыр — лöсьыд статя да мича. Та вöсна дзик видзчысьтöмöн лои сылöн кувсьöм йылысь газетын шог юöр… Морт олöмыд тай клянича кодь, зэв öдйö вермö пасьмунны.

Читать далее

Свежий выпуск: за 17 октября