На страже закона
Приказом Генерального прокурора Российской Федерации от 17.07.2019 г. прокурором Усть-Куломского района Республики Коми сроком на 5 лет назначен младший советник юстиции Борис Анатольевич Игнатов.
Читать далееШедöдiс грант
Август 6-öд лунö видз-му овмöс министерство видлалiс «Агростартап» конкурсö вöзйöм бизнес-планъяс.
Петкöдчис вит морт, куимыс петiсны вермысьяс лыдö. На пиысь миян районысь босьтчысь фермер Николай Леонидович Епов. Шедöдöм грант вылö кöсйö ньöбны трактор, 15 юр лысьтан мöс да «Кулöмдiнса МТС» видз-му потребкооперативлы кöдзöдан оборудованиеа машина. Н.Л.Епов районын лоис медтом фермерöн.
Вöчасис «Барс»
Керчомъяын июльын «Йöзкостса бюджет» бала серти Шошка инын лöсьöдiсны 300 метра кузя туй юкöн.
Уджъяс нуöдöмыс сувтiс 337 сюрс 600 шайт. Федерацияса бюджетысь вичмис 300 сюрс, чуктöдiс сиктса администрация да чукöртiсны йöз. Уджалiс «Барс» котыр. Туй вылö ваялiс да вольсалiс лыа-изъя сорас, шыльöдiс, пöлöныс кодйис гуран.
Падмöдö поводдя
Дереваннöйысь крестьянин овмöс кутысь Д.А.Удоратин пуктiс 15 тонна турун.
Тайö коланаысь коймöд пайыс на. Ставнас колö ытшкыны сё гöгöр гектар видз. Уджалö Павел пиыскöд. Техника тырмымöн — ытшкан-куртан кöть гöрддзымö гартлан. Трактор вылö пуксьывлöны öта-мöдсö вежлалöмöн. Медшöр мытшöдыс — зэра, кöдзыд поводдя, мый вöсна нюжалö пуктысьöм. Но фермер эскöдö, мый кöрым заптыны колö быть урчитöм мында, 45 тонна, медым тыр-бура тöвйöдны 12 кукань-мöскöс.
Пакöститчöны кöинъяс
Керчомъяын матö во гöгöр чöж нин дöзмöдчöны кöинъяс.
Бöръя кадö найö косявлiсны уна понйöс. Сиктса юралысь душ-мöдысь нин шыöдчылiс районса охотовед дорö вöрса пакöститчысьяс кузя. И сöмын öнi на регыд сiйö лэдзис кыйöдны да кыйны найöс. Та могысь индiсны сиктса вöралысь А.П.Шаховöс. Стöча абу тöдса, кымын кöин шöйтö сикт гöгöрын, туялöм бöрын петкöдчас.