Восьтiсны казьтылан пас
Июль 16-öд лунö — Коми милициялöн лунö, пытшкöсса делöяслöн районса юкöнын кыпыда восьтiсны служитан мог олöмö пöртiгöн кулöмъяслы да налы, кодъяс тöждысисны лöнь олöм вöсна да абу нин ловъяöсь, казьтылан пас.
Читать далееВеськöдлысьлöн дöзьöр улын
Июль 15-16-öд лунъясö Кулöмдiн районын ёна зэрис, öти суткиöн усис тöлысьöн урчитöмаысь джынйыс. Такöд йитöдын дi вылö колисны öкмыс сикт-посёлок, кöнi олö 3008 морт, на пиын 680 челядь. Лоöмторйыс районса администрациялöн да республикаса кывкутысь йöзлöн видзöдлас улын.
Читать далееВыльторъяс
Ошкöс бырöдасны
Пожöг вожын ошъяслöн вывтiасьöм кузя районса администрацияöн веськöдлысь С.В.Рубан шыöдчис республикаса вöр-валысь озырлунъяс да гöгöртас видзан министерствоö.
Министр Р.В.Полшведкинсянь воис шуöм, код серти ошъяслысь лыд чинтöм могысь июль 10-öд лунсянь июль 31-öд лун босьтöмöн тшöктiс бырöдны тайö пемöсöс, сылысь арлыд тöдвылö босьттöг, мед ошъяс эз вайны лёк сикт-грездса олысьяслы, налöн дзоньвидзалунлы. Районса администрация аддзис нин мортöс, кодi босьтчас тайö уджö.