Архив за день: 06.06.2019

Роспотребнадзор предупреждает: клещи активизировались

По информации республиканского управления Роспотребнадзора, всего с начала сезона в медицинские учреждения Коми обратилось 912 пострадавших от укусов клещей, в том числе 154 ребенка.

Читать далее

Кöсъя тöдны

— Пöгибö воштіс петшöр: йöрын быдмö быд пельöсын. Уна ног видлім мынтöдчыны, но весьшöрö. Мый вöчны? 
— Петшöр — быдöнлы тöдса ёг турун. Сійö öдйö паськалö кушинын, но вермö пырны и культурнöй быдмöгъяс костö. Мынтöдчыны сыысь абу кокни, но позьö. Сылöн вужйыс паськалö öдйö да ылöдз. Та вöсна мусö пузлалöй эн зырйöн, а вилаöн: зырйöн ті вундаланныд вужсö уна пельö, и быдöнысь чеччыштас выль петшöр. Пузлалöй мусö, кöні быдмö петшöр, арнас, кынтавтöдз, мед вужйыс колис выліас. Быдмöг кö паськаліс ёна, вольсалöй сы вылö сьöд плёнка, толь либö кыза вевттьöй пилипызьöн. Арнас вевттьöд улын лоас бур му. Но сэтчö кö нинöм онö пуктöй, петшöр зэв öдйö паськалас бöр. 

Читать далее

Дон мунiс Якшаö


Воддза вежонас, пекничаö, Донын лоис чуймöдантор: вöрысь сиктö локтiс йöрапи. Фаина Сергеевна Булышева сiйö лунас чеччис водз, вит час асылын. Видзöдлiс öшиньö да аддзис йöрсьыс куйлысь пемöсöс. Мöвпыштiс, мый пырöма кодлöнкö кукйыс. Петiс да матыстчис сы дорö, а пемöс эз весиг вöрзьы, сэтчöдз, тыдалö, мудзöма. Фаина Сергеевна бурджыка видзöдлiс да гöгöрвоис, мый тайö абу кукань, а йöрапи. Шензьыштöм бöрын корис суседкасö да сыкöд öтлаын йöртiсны гидö. Вердiсны йöлöн, а со сетöм няньтор йöрапи эз видлы. Фаина Сергеевна юöртiс лоöмтор йылысь районса администрацияö. Кулöмдiнсянь волiсны, видзöдлiсны да шуисны, мый вöзъясны нуны Печора – Ылыдзса заповедникö. Сiдзи и лоис: локтiсны заповедникысь уджалысьяс да нуисны вöрса ичöтик гöсьтöс Мылдiн районса Якшаö, кöнi эм йöраясöс видзан ферма. Кодi тöдас, кыдзи веськалiс йöрапи сиктö. Гашкö, мамсö косявлiсны ошъяс, а вöрса пемöслы усис шуд пышйыны. Вермас лоны, и мöд ног ставыс вöлi. Бур, мый йöрапи веськалiс шань йöз дорö да öнi нинöмысь повтöг кутас быдмыны-верстяммыны ас коддьöмъяскöд. Сэнi сiйöс некод оз дойд. Йöрапилы сетiсны Дон ним. 

Читать далее

Волiс ош


Выльлунö Помöсдiнö волiс ош. 
Йöзлöн висьталöм серти, локтiс сiйö Эжва сайса вöрсянь, вуджис юсö да сиктöд кытшлалöмöн да пакöститчытöг мунiс Сордйывса шойналань. Ошлöн сиктöд ветлöм кузя помöсдiнсаяс шыöдчылiсны МЧС-ö. Найö лэдзисны сэтчöс вöралысьяслы позянлун серти кыйны вöрса кöзяинöс. Н.А. да Д.Н.Шебыревъяс ая-пиа (бöръяыслöн эм ош кыйöм могысь лицензия) вöтчылiсны ош бöрся, кытшовтiсны матiгöгöрса инъяс, но эз аддзыны. Николай Афанасьевич висьталiс, мый пемöс корсьö нуръясянтор, некутшöм лёк сиктсаяслы оз вай. Öлöдiс дöзмöдöмысь, а то воддза воас, кор ош пыралiс Помöсдiнö, вöлöм, челядь вöтлысьöны сы бöрся. Ошкöд воча паныдасигöн оз ков пышйыны, а колö ньöжйöник бöрыньтчыны. Видзчысьны колö быть, сы вöсна мый ошсö кык пиянöн аддзывлöмаöсь вöвлöм аэропортбердса ыбвыв дорысь да Кырныша гöгöрысь.

Читать далее

Аддзис асьсö

Ручын куим воысь дырджык уджалö соцработникöн Зоя Михайловна Гуляева. Сёрнитыштi сыкöд, и со мый висьталiс. Верöсыс кувлöма водз. Колис кык нылук. Совхоз бырöм бöрын уджыс сиктын эз коль. Унаысь пыравлiс сельсöветö, юасис удж. Вöзйисны видлыны соцработниклысь удж. Дзик пыр эз кöсйысь, мöвпалiс, артмас-ö оз уджавны йöзкöд, öд колö удитны ветлöдлыны сикт шöрсянь чоййылöдз. Сэсся öд и йöзыс быдпöлöсыс эм. Босьтчис полöмпырысь, а сэсся велалiс. Уджыс воö сьöлöм вылас. Сьöкыдджык тöвъясын, лоö весавны уна лым. Пыртлö ва да пес, кодлыкö ветлö лавкаöдз. Берба лунö ставныслы нуис берба вожъяс. Нимкодьыс вöлi олöмаяслöн! Кодлыкö кö колö краситчыны-обоитчыны, корсьö йöзöс, бöрынас пыралö видзöдлыны, кыдзи мый вöчöны. Зоя Михайловна вылын абу сöмын пес-ва, сылы колö и быдöнкöд варовитыштны. Олöмаяс юасьöны быдтор, сиктад öд ставныс öта-мöднысö тöдöны. Кодöскö лоö стрöжитыштны, а кодöскö ошкыштны. 

Читать далее

Свежий выпуск: 28 марта

Осторожно — мошенники!