Архив за месяц: Май 2019

Кутасны ветлöдлыны водзö

Тайö нылыскöд ме тöдмаси том йöзлöн чукöртчылöм вылын гоз-мöд во сайын Ичöт Аныбын. Збой, варов, нюмсера, сiйö кыскис ас дорас йöзöс. Сöмын кад кольöм бöрын тöдмалi, мый сiйö пырö корсьысян котырö. 

Читать далее

Му шар гöгöр

Парчлöн таво тшупöда пас. Сiдзсö сэтчö овмöдчылöмаöсь 1707-öд воын нин, но гижöдъясын казьтывсьö 1719-öд восянь. Грездас вöлöма 3 овмöс, медводдза овмöдчысьясыс Булышев да Попов. Став сертиыс, Немдiн либö Висер вожысь воöмаяс. Сёрнитанногныс тай дзик öти-а. 1782-öд воын грездын вöлi нин 20 овмöс, 152 олысь (73 мужичöй, 80 нывбаба). Вочасöн Парч ыдждiс. Кольöм нэмся 30-öд воясö танi вöлi школа, вузасян котыр. Колхоз дырйи сойборд улас пырис и Лебежнöй грезд, некымын бригадаöн. Вöдитiсны градвыв пуктас, видзисны скöт, весиг порсьясöс, вöвъясöс, но олöмыс тай гудыртчис, öнi сиктсаяс бергöдöны медсясö овмöс, кодсюрö нöшта вöдитчö вöрöн: заптö пес, тшупö срубъяс. 

Читать далее

Гöтыр да верöс, и удж кузя ёртъяс


Кулöмдiнысь Алексей Владимирович да Анна Владимировна Гришинъяс абу сöмын бур спортсменъяс да тренеръяс, но и шуда семья. Налöн шуда позйын Макар да Спартак, кодъяслы майын тырас öти арöс да кöкъямыс тöлысь. Кöть пияныс дзоляöсь на, мамыс уджалö нин кольöм вося сентябрсянь. Асывсянь пажын бöрöдз да рытнас, кор Анна Владимировна уджалö, пияныс батьыскöд.Сöмын на мам локтö гортас, удж вылö котöртö Алексей Владимирович. Öтсасьöны пöль-пöч, ыджыд бать да ыджыд мам, рöдвуж. Гозъя уджалöны спорт школаын. Верöсыс велöдö челядьöс ворсны футболысь. Ачыс пырö футболысь ворсан районса öтувъя котырö, петкöдчö ордйысьöмъясын. Гöтырыс методист, нöшта велöдö зонпосниöс ворсны баскетболысь. Буретш школасянь спорткöд ёртасигöн и тöдмасисны. 

Читать далее

Миян йöз

Ручысь Диана Алексеевна Гребенюк Сыктывкарса öтиöд номера педколледж помалöм бöрын босьтчис уджавны ас сиктса школаын. Уджысь орöдчытöг помалiс нöшта Сыктывкарса госуниверситет. И со 21-öд во нин велöдö роч да коми кыв и литература. Ыджыд вын пуктö, медым и водзö кутчысис, сöвмис да юргис чужан кыв. И эз сöмын школаын, но и сиктын. Интернет методика литература отсöгöн, велöдысьяслöн чукöртчылiгöн öтарö кыпöдö сям, кодöс вочасöн пыртö уджас. Велöдчысьяслы сетö джуджыд тöдöмлунъяс. Ышöдö найöс петкöдчыны олимпиадаясын да конкурсъясын. Таво на коми кыв да коми фольклор кузя район да республика тшупöда олимпиадаясын челядь петiсны вермысьяс лыдö. Бур тöдöмлунъяс петкöдлiсны «Отечество — земля Коми» районса конкурсын. Диана Алексеевна нуöдö и чужан му туялöм кузя ыджыд удж. Выль велöдан программа серти челядькöд быд во дасьтöны балаяс. Таво тайö уджас сюртчисны витöн. Велöдчан во помын балаяссö доръясны. Ошкана и сiйö, мый таво татчöс школаын 9-öд класса öткымын велöдчысь госэкзаменсö медводдзаысь бöрйисны буретш коми кыв кузя. Кутасны гижны сочинение. 

Читать далее

Ветлас Санкт-Петербургö


Шöръягысь Олеся Напалковалöн «Аттьö пöльлы вермöмысь» сочинение республикаса конкурсын лоис медбурöн. 
Воис уна удж. Нывка öтнас гижис аслас пöль йылысь коми кыв вылын. Велöдысьыс — Джеджимса музейöн веськöдлысь З.С.Напалкова. Козинöн нывкалы лоас Санкт-Петербургö ветлöм. Донъялысьяс сiдзжö пасйисны Кулöмдiнса том йöзлысь «YoJo»телестудиялысь удж.

Читать далее

Свежий выпуск: 28 марта

Осторожно — мошенники!