Республикаын олысьяслысь юасясны, кыдзи найö видзöдöны асланыс дзоньвидзалун бöрся. 
Сыктывкарысь, Воркутаысь, Интаысь, а сiдзжö Кöрткерöс, Сыктывдiн да Кулöмдiн районъясысь ылöсас бöрйöм йöзлысь юаласны, сёйöны-ö быд лун 400 граммысь оз этшаджык фрукты да градвыв пуктас, ёнмöдчöны-ö, тшыкöдöны-ö дзоньвидзалун куритчöмöн-юöмöн, ёна-ö солалöны да с.в. 

Культура, туристалöм да архив кузя министерство донъялiс культура керкаяслысь, клубъяслысь, лыддьысянiнъяслысь да музейяслысь удж. 
Вермысьяс лыдын районса культура керка да челядьлöн лыддьысянiн. Налы вичмас 100 сюрс шайтöн. 2013-öд воын кыкнанныс жö вöлiны медбуръясöн.

Выль во — челядьлöн и верстьöлöн медся радейтана гаж, кодöс виччысьöны быд керкаын. Ми, тыр арлыдтöмъяслöн Кебанъёльса шöрин, виччысим жö да декабр 27-öд лунö петкöдчим ворсöмöн. Ставыс мунiс мичмöдöм коз дорын. Челядь пырöдчисны мойд кодь олöмö гажа сьыланкывъясöн, ворсöмöн, йöктöмöн.Сьöкыдторъяс венöмöн зонпосни судзöдiсны сундукысь козинъяс босьтöм могысь вит ключ. Налы лёк вöчисны Кань-Баюн, Соловей-рöзбойник, Яга-Баба, Васа да Кувлытöм Кощей. Иванушка да Василиса, Кöдзыд пöль да Лым ныв отсöгöн челядь вермисны восьтны сундуксö да босьтны козинъяс, кодъясöс налы дасьтiс Кöдзыд пöль. 

Дереваннöй сиктысь Галина Александровна Кисоевалы мартын тырас 70 арöс. Шойччыны да шойччыны эськö, но весь оз ов. Видзö мöскöс. Ачыс идрасьö-лысьтысьö. Вайöны кö пес, босьтлö весиг колун. Петавлö Эжва вылö кыйны чери. Енлы эскысь, сьылö сиктса юрбитанiнын. 

2015-öд восянь районса бурдöдчанінын уджалö психиатр-нарколог Анна Евгеньевна Шебырева. Ёна-ö юöны районын, дурмöдчöны-ö наркотикöн, унаöн-ö вермöны шыбитны юöм да куритчöм — бурдöдыськöд талунъя сёрниын.