Тавося Туганöн лоис Помöсдiнысь Максим Игнатов. Вежавидзысь да раминик тайö зонмыслы 24 арöс. Скöрöдумын тренер, велöдö челядьöс котравны лыжиöн да ворсны пызанвывса теннисысь. Уджысь орöдчытöг коймöд во велöдчö Сыктывкарса университетын. Ёна радейтö вöр-ва да уна кад сэнi. Торйöн нин дона сылы Педöр Ёгор. Ыджыд батьыс вöлi вöралысьöн да кыйсян вирыс вуджöма и Максимлы. Гортас лöнь да лöсьыд, зон оз радейт уна йöза кар. Век отсасис нуöдны Помöсдiнын Успенньöса вузасьöм да сiйöс казялiсны томъяслöн «Аскиалун» котырысь Татьяна Карманова да Илона Артеева, корисны сюртчыны на дорö да сэнi некымын во нин. Котыртлöны челядьлы гажъяс, весалöны вöр-ва, петкöдчöны унапöлöс гажъясын да с.в. 

Кулöмдiн дасьтысьö выль во кежлö. 
Таво культура керка дорын лоöны челядьлы кык кыр, мичмöдöм коз да йиысь вöчöм пемöсъяс. Йи вайисны Кöдж ты вылысь администрацияса уджалысьяс да йöзöс могмöдан шöринöн индöм йöз. Йиысь вöчасяс карса скульптор Роман Тращенков.

Ноябр 28-öд лунö Кулöмдiнын воссис туйвыв мортлы керка. Татчö вермасны сувтлыны районöн тöдмасьны воысьяс. Татшöм керкаыс районын медводдза. Сiйöс вылö донъялiсны Коми республикаса культура, туристалöм да архивлöн делö кузя министерствоысь туристалан удж кузя начальник Н.Макарова, «Вöр-валысь торъя дöзьöр улын видзан юкöнъяслöн шöринысь» гöгöртасöн тöдмöдан-велöдан юкöнöн весьöдлысь Т.Витязева да финн-йöгра этнопаркысь директор Е.Иванова, кодъяс волiсны районö. 

Олысяяс 

Ёгорлöн лёка кутiс уджавны сьöлöмыс да водтöдiсны сиктса бурдöдчанiнö. Куйлiсны сöмын куимöн. Кыкыс регыд мунiсны да вылыс судтаын, кöнi куйлiсны бурдöдчысьяс, колис öтнас. Велалöма да, водiс водз. Войшöр гöгöрын садьмис улi судтаын öдзöс дзуртыштöмысь. Кодкö ёсь каблукöн котшкигтырйи кайис поскöд вылi судтаö, пырис орчча жырйö да öзтiс би. Чайтiс, мый тайö улi судтаысь вой кежлö кольччöм бурдöдысь да шыасис: