Архив за день: 06.12.2018

Декабр 2-öд лунö Тимшерысь Арнольд Данилович Кирстлы тырис 99 арöс! 

Чолöмавны воысь овмöдчöминса юралысь В.А.Беловаöс, посёлокса олöма йöзлöн котырöн юрнуöдысь Г.Н.Паршуковаöс, социальнöй уджалысь М.И.Костровскаяöс, Тимшерса бурдöдчанiнöн веськöдлысь Э.Д.Чувьюроваöс Арнольд Данилович вочаалiс ывлаын киас зырйöн: буретш весалiс пос помсьыс лым. Ыджыд арлыд вылö видзöдтöг, сiйö ачыс бергöдö став овмöссö. Медся радейтö поткöдлыны пес. 
Лунтыр Арнольд Данилович эз лэдзлы кисьыс телефон трубка. Чужан лунöн чолöмалiсны страналöн уна пельöсысь и суйöр сайысь. 
А.Д.Кирстлöн олöмын вöлi и курыд шог, и уна сьöкыдлун, но сьöлöмыс эз чорзьы. Енмыс сетiс сылы кузь нэм да бур вежöр — став воддзаыс юрас. 
Сиам Арнольд Даниловичлы ён дзоньвидзалун, кыпыда вочаавны 100 во тырöм! 
Валентина БЕЛОВА. 
Тимшер.
Читать далее

Вочавидзис министр 

Ноябр 30-öд лунö районын вöлi республикаысь пытшкöсса делöяслöн министр В.Н.Половников. 
«Помöсдiн» овмöдчöминлöн администрацияын сiйö аддзысьлiс юралыськöд да сиктса водзмöстчысь йöзкöд, рытнас волiс сиктсаяслöн чукöртчылöм вылö. Кыдзи полиция видзö районын лöнь олöм, висьталiс пытшкöсса делöяс кузя Россияса министерстволöн районын юкöнса начальниклысь

Читать далее

Кулöмдiнса сельполы 115 во 

1827-öд воын Кулöмдiнын воссис медводдза лавка. 1857-öдын котыртiсны ывла вылын тöвся вузасьöм. Бокиысь вайöм дöра, сёян-юан да мукöд шылльö-мылльö вöлi ас вöчöмторъясысь унджык. 19-öд нэм помын да 20-öд нэм панасын öти асшöр уджалысьлöн водзмöстчöмöн кутiсны котыртчыны йöзлысь вöчöмторъяс ньöбöм-вузалöм кузя кооперативъяс. 1903-öд воын котыртчис Кулöмдiнса, 1904-öдын Помöсдiнса да Керчомъяса, 1917-öд во бöрын Мысса сельпояс. Медшöр могöн вöлi сельпоö пырысьяслы донтöмджык да быдлунъя коланторъяс вайöм, вузасьöмысь сьöм чöжöм. 20-öд нэмлöн панасын Кулöмдiнса сельпо шымыртiс Кулöмдiнса вöлöсьтöс ставнас. Сельпоö пырöмысь вештылiсны 50 ур да пайö пырöмысь вит шайт. Воöм сьöмысь 10 процентсö кольлiсны чöжны. 
Кулöмдiнса сельпо, кöть и вуджис сьöкыдлунъяс, сöвмис, кольöм нэмса 90-öд вояслöн панасын зумыда нин сувтiс кок вылас. Талун районын сельполöн 18 лавка, кöнi сёян-юан да кöм-пась кындзи вузалöны овмöслы став коланторъяс. Найöс вайöны Москваысь, Екатеринбургысь, Волжскысь, Кировысь, Ижевскысь, Улыс Новгородысь. 
Юрсиктын эм нуръясянiн, Паспомын нянь пöжаланiн. Нёль во нин юрсиктын сельполöн правление районса администрациялысь кöртымö босьтiс туй мортлы сувтланiн. 
Талун ыджыд котырын 92 морт. Сельполöн правлениеöн 29 во нин юрнуöдö Зоя Григорьевна Сухолуцкая. Кулöмдiнса сельпо республикаын медбур куим сельпо лыдын. 
Мысса сельполöн правлениеöн 2000-öд восянь юрнуöдö Надежда Константиновна Ермолина. Водзтi сельпо йöзлысь ньöблiс 26-тор: чери, вурун, кучик, бумаг, кöрт, градвыв пуктас, тшак-вотöс, вöв сi да мукöдтор. /нi сылöн эмöсь лавкаяс, пöрöдчö, пилитчö, могмöдö йöзöс пескöн, отсалö техникаöн пуктыны да идравны картупель, заптыны кöрым. Йöзлысь босьтö тшак-вотöс, яй, картупель. 
Уджалö и Помöсдiнса сельпо, кодлöн эмöсь лавкаяс да нуръясянiн. 
Читать далее

Миян районö локтö театр 

Декабрь 13-17 лунъясö Коми республикаса вужвойтырлöн шылада-драмаа театр кытшовтас петкöдланторъясöн матö став районнымöс: волас Кулöмдiнö, Помöсдiнö, Керчомъяö, Югыдъягö, Кужйö, Ручö, Немдінö, Зимстанö. Ворсысьяс петкöдласны челядьлы Николай Щукинлысь «Нёрымö-дядьö» мойд, верстьöлы Геннадий Юшковлысь «Му югыдöй менам» теш. 
Кывлiм, мый тайö теш

Читать далее

Свежий выпуск: 28 марта

Осторожно — мошенники!