Медбурöсь зимстансаяс
Сентябр 14 лунö Кулöмдiнын чукöртчылiсны челядьлöн гожся уджалан котыръяс.
Гожöмбыд нывкаяс да зонкаяс уджалiсны асланыс сиктъясын да тайö лунö вöчисны уджлы кывкöртöд. Отрядъяслы колiс висьтавны ас йывсьыс да петкöдлыны видеоролик. Медбурöн шуисны Зимстанысь «Алые паруса», мöдöн Кулöмдiнысь «Беспокойные сердца» да коймöдöн Озъягысь «Бригантина» котыр.
Пелькöдiсны сикт
«Керчомъя» овмöдчöмин пырöдчис «Турунвиж Россия» пас улын нуöданторйö.
Пелькöдiсны öтка олöма йöзлысь йöръяс, выльпöв мичмöдiсны челядьлы ворсанiн. Ыджыд отсöг сетiсны ас кöсйöмöн отсасьысь велöдчысьяс: найö сöстöммöдiсны парк, весалiсны обелискъяс гöгöр косьмöм турун, отсасисны вермытöмъяслы.
Локтiс том бурдöдысь
Помалiс Сыктывкарса государственнöй университет. Зимстанса юралысь В.Н.Лодыгин том врачлы корсис оланiн. С.Э.Карманова кутас тöждысьны тшöтш Лöгинъягса, Климовскса, Фроловскса, Дзольса да Габовса олысьяслöн дзоньвидзалун вöсна.
Дзоньталiсны школа-сад
Таво гожöм «Мондилöн» вичмöдöм сьöм вылö ёна дзоньталiсны Мысса школа-сад.
Выльпöв ковмис лöсьöдны подувсö. Сiйöс кыпöдыштiсны, тэчисны шлакоблокъяс, а сэсся брускысь лэптiсны стен, кодi лоис воддзасьыс метра джын вылö вылынджык. Важыс, клей отсöгöн йитлöм щитöвöй панельяс, тшаксялöмаöсь да лоöмаöсь шогмытöмöсь
Свежий выпуск: 25 апреля
Осторожно — мошенники!
