Районса школа помалысьяс босьтiсны аттестатъяс, öнi бöрйöны водзö велöдчанiнъяс.
11 класс помалiс 150, 9-öд класс — 360 морт. Шедöдiсны нёль зарни медаль: кыкöс Кебанъёльын (Мария Дикуль да Дмитрий Савельев), öтиöс Ручын (Дарья Пименова) да Югыдъягын (Екатерина Яремчук). Вит эзысь медаль:

Читать далее →

Июнь 16-öд лунö Вöльдiнын кыпыда пасйисны том йöзлöн «Ритм» котырлы вит во тырöм. Та дыра нин томъяс котыртöны быдпöлöс гаж да шойччöм, петкöдчöны районын да республикаын. 
Читать далее →

Июнь 28 лунö Кулöмдiнса школаын дасöд класс помалысь 25 ныв-зонлы сетiсны ЭВМ-са операторö велöдчöм йылысь свидетельство. 
Казьтыштам, мый кольöм воын район кырымалiс бумага да целлюлоза вöчан Сыктывкарса техникумкöд сёрнитчöм да Кулöмдiнса шöр школаын гырысь класса велöдчысьяслöн лоис позянлун некытчö ветлытöг босьтны специальносьт. Тöдöмлунъяс сетiсны Кулöмдiнса школаысь велöдысьяс О.О.Коноплёв да А.А.Рассыхаев. Челядь петкöдлiсны бур тöдöмлунъяс да велöдчисны окотапырысь. Колö велöдны и водзö. 
Районса администрацияöн веськöдлысь С.В.Рубан сьöлöмсянь аттьöалiс техникумса уджалысьясöс, мый мунiсны воча да велöдiсны челядьöс. 
Сэсся челядьлы сеталiсны свидетельствояс. 
Сёрнитiсны и ныв-зон. 
Гликерия Кочанова, Паспом: 
— Кор вöзйисны велöдчыны, ме пыр и гижöдчи. Бур, мый велöдчи. Тöдмалi уна выльтор, велöдiсны пыдiсянь. 
Андрей Тимушев, Дон: 
— Тайö свидетельство серти мукöдлаас весиг босьтöны уджавны. Зэв бур сiйö, мый велöдiсны сьöм босьттöг. Позис велöдчыны быд кöсйысьлы. Миян пиысь помалiсны ставöн. 
Наталья Кочанова, Кулöмдiн: 
— Татшöм велöдчöмыс зэв колана. Ме эськö компьютер вылад кужа бура, но менö велöдiсны сыö, мый эг тöд. Тайö тöдöмлунъясыс зэв колöны, сы вöсна мый öнi ставыс компьютер вылын, ЭВМ операторъяс колöны уналаö. Сьöлöм вылö воис сiйö, мый кык-куим урок бöрын велöдiсны нин уджавны компьютер вылын. Öнi меным лоис ёна кокниджык. 
Читать далее →