Архив за месяц: Июль 2018

Госуслуги

В «Единой России» предлагают сделать 22 октября Днем российского футбола

Фракция «Единой России» в Государственной Думе предлагает установить в России новую памятную дату и сделать 22 октября Днем российского футбола. Как заявил сегодня на пленарном заседании член комитета Госдумы по контролю и регламенту Дмитрий Белик, соответствующий законопроект внесен в нижнюю

Читать далее

Ичöт футболлöн тöждъяс 

Видзöдам футбол кузя мирса чемпионат, кодi мунö Россияын. Быд странаысь котыръяс дасьтысьöмаöсь ыджыд кывкутöмöн, ворсöны зэв бура. А кыдзи мунö футбол кузя удж миян районын? 
Тöдмалi, мый футболöн ворсысь котыръяс районын эмöсь матö 20 во. Ичöт футболысь велöдöны ворсны челядьöс

Читать далее

Локтiсны томъяс 

Июньын пытшкöсса делöяс кузя министерстволöн районса юкöнын уджö босьтчис кык том морт. Носимысь Василий Петрович Гилев лöнь олöм вöсна кутас тöждысьны «Зимстан», «Улыс Воч» да «Дзоль», Скöрöдумысь Денис Дмитриевич Липин — «Дiасёръя» да «Вöльдiн» овмöдчöминъясын. Кыкнанныс помалiсны Сыктывкарса университетлысь спорт да физкультура кузя факультет, служитiсны армияын. 
Василий Петрович (снимок вылын) кык во велöдiс Донса школаын. Тшöтш и Паспомса спортзалын Носимса да Паспомса челядьöс велöдiс ворсны волейболысь, спортö ышöдiс и йöзöс да накöд петкöдчис ордйысьöмъясын. Донын школа лоис нёль классаöн да том морт вуджис Кулöмдiнса школаö, кöнi велöдiс во. Полицияын уджавны ышöдiс Озъяг да Кебанъёль участокъясса уполномоченнöй Артём Александрович Напалков ёртыс. Ыджыдджык Павел вокыс уджавлiс милицияын да школаын велöдчигöн на мöвпалiс лоны милиционерöн, шуис видлыны. Кольöм воын тöдмасис уполномоченнöйлöн уджöн. Туйдiс да отсалiс ёртыс, велöдiс быдторйö. Василий Петрович петкöдлiс асьсö бура да ыстiсны пытшкöсса делöяс кузя министерстволöн велöдан шöринö. Сэнi велöдчигöн кык вежон уджыштiс Зимстанын. Сылы отсалiс Керчомъяса уполномоченнöйлы отсасьысь А.С.Касев. 
— Зимстанса юралысь В.Н.Лодыгин могмöдiс оланiнöн, тöдмöдiс йöзкöд, посёлокын олöмкöд. Зимстанö и индiсны велöдчöм бöрын. Сетiсны машина, «Зимстан» овмöдчöминлöн администрацияын эм уджалан жыр, телефон, компьютер да сы дорö став коланаыс. Кута ветлыны Дзолльö и Габовö, Улыс да Вылыс Вочьясö. Климовскын да Фроловскын ме вöлi нин А.С.Касевкöд, кытшовтiм öружие видзысьясöс. Ылi пельöсын лöнь, сöстöм да мича вöр-ва. Меным отсасьöны ыджыд сяма уполномоченнöйяс. Эска, ставыс лоас бур, — сёрнитiс В.П.Гилев. 
Ёнджык звöнитöны гусясьöм либö тышкасьöм бöрын войын да код юрöн. Босьтчö туясьны, но морт оз сюр. Мöд лунас бара петö туйö, но палялöм морт соссьö, висьталö, мый нинöм эз вош. Нöйтöм кузя Василий Петрович шыöдчö бурдöдчанiнö, юасьö, волiс-ö отсöгла доймöм морт. Юасьö и дежуритан юкöнö юöртысьлысь, и доймалысьлысь да аддзылысьяслысь. Абу кö сьöкыд мыж, административнöй кывкутöмö кыскö ачыс. 
Водзö ёртасьö спорткöд. Пырö полицияса уджалысьяслöн волейболысь ворсан котырö, кодi петкöдчö уджалан котыръяскостса ордйысьöмын. Июль 13-öд лунö налöн котыр петкöдчас районъяскостса ордйысьöмын, кодi мунас полицияса спортзалын. Апрельын юкöнсянь Д.Д.Липинкöд ветлiс юркарö варччöм кузя ордйысьöм вылö. 
— Нимкодь, мый сьöкыд да кывкутан удж бöрйисны да локтiсны томъяс. Миян юкöнын 10 уполномоченнöй, 5 старшöй уполномоченнöй да уполномоченнöйлы кык отсасьысь. Лöнь олöм вöсна миян öти морт тöждысьö Улыс Новгородын футбол кузя мирса ордйысьöмъяс дырйи, кодъяскö шойччöны, да öнi районын уджалö сöмын квайт уполномоченнöй. Колö нöшта вит. Виччысям томъясöс, — кывкöртiс пытшкöсса делöяс министерстволöн районса юкöнын участокса уполномоченнöй да тыр арлыдтöмъяслöн делöяс кузя юкöнöн веськöдлысь А.Ф.Гуляев.
Читать далее

Свежий выпуск: 28 марта

Осторожно — мошенники!