Мысын чужöм Нина Евлогиевна Шевелёва культпросвет училище помалöм бöрын 1983 воын локтiс Помöсдiнö.
Сизим во уджалiс культура керкаын, сэсся 27 во челядьлысь енби сöвмöдан керкаын, öттшöтш театрын пуктiс спектакльяс. Некымын во сайын локтiс бöр культура керкаö, сiйö лоö Помöсдiнса народнöй театрын режиссёрöн. Ёнджыка дасьтöны коми спектакльяс, йöзыслы найö матынджык. Колö пасйыны, мый коми петкöдчöмъяс пуктöны сöмын Помöсдiнса да Кöрткерöсса котыръяс.
Нина Евлогиевна висьталiс:
— Коркö лыддьöдлiм, кодъяс ворслiсны тайö 20 вонас да, буракö, сиктысь быдöн нин петкöдчылiс. Миян пыр выль артистъяс. Медводз ме лыддя пьесасö да син водзö сувтöда геройясöс да лоöмторъяссö. Артмöм серпасыс кö ясыд, вöзъя йöзлы. Медводз пукалам пызан сайын да сёрнитам, юклам, кодi кодöн лоö. Сэсся уджалам сцена вылын. Менам петкöдчысьяс зэв сямаöсь да радейтöны кöнкö вежыштны, содтыштны. Лöсялö кö петкöдчöмлöн туйвизьлы, вежам. Ме сэсся видзöда залсянь да висьтала, мый артмö, а мый вылын колö уджавны нöшта. Кор öтлаасьöны и шылад, и петкöдчöм, да видзöдiгöн кö петö синва да серам, сiдзкö, ставыс артмис. Спектакль вылын уджалам тöлысь нёль, мед пырöдчыны геройлöн олöмö, ставсö лэдзны ас пыр, велöдны кывъяс. Медым ловзьöдны, колö уна кад да лöсьöдöмтор олöмö пöртан сям. Сы бöрын сöмын петкöдлам йöз водзын. Локтöны пыр унаöн, видзöдысьяс бöрас матыстчöны да висьталöны, мый воис сьöлöм вылас, а мый эзджык. Помöсдiнсаяс окотапырысь волывлöны спектакльяс вылö. Дырджык кад кольö да пыр юалöны, кор нин мыйкö выльтор петкöдлам.
Читать далее
До конца года на дорогах Коми обустроят 84 пешеходных перехода
21.03.2018
Об этом сообщил руководитель Управления автомобильных дорог Республики Коми Валерий Пронин на заседании республиканской комиссии по обеспечению безопасности дорожного движения. Совещание провёл Глава Республики Коми Сергей Гапликов.
Читать далее